Inicio » Servizos » Servizo de Xestión da Oferta e Programación Académica » Preguntas frecuentes

Preguntas frecuentes

Nota importante: actualización destas preguntas frecuentes
Recoñécese como actividade investigadora na dedicación do profesorado os contratos do programa Cenit e os contratos con empresas a través de FEUGA?
Como se aplica a redución polos proxectos de investigación?
Os créditos indicados para cada tipo de proxecto entendéranse para cada un dos membros do proxecto ou a repartir entre todos eles?. Exemplo, no caso dun proxecto nacional ¿cada participante obtén 4 créditos ou hai que dividir 4 créditos entre todos os participantes segundo o criterio do investigador principal?
No caso de profesores da USC participantes en proxectos de investigación doutras universidades, valórase esta participación, tanto en proxectos nacionais como autonómicos?
A participación no Programa Consolider, ben como coordinador do nodo CESGA ou ben como membro do “Consello de Dirección do Consolider Mathemática i-MATH ten a consideración de Proxecto ou contrato singular en convocatoria competitiva coordinado pola USC que sinala o Acordo do Consello de Goberno do 11 de outubro de 2007 sobre o recoñecemento da actividade investigadora na dedicación do profesorado da USC?
No caso de proxectos europeo non coordinados pola USC no que un dos socios é unha Consellería da Xunta de Galicia ¿Pódese recoñecer a actvidade investigadora dun profesor da USC que participe como coordinador do equipo da Consellería?
Que se entende por contrato Singular?
Cales son as diferentes modalidades de proxectos ou contratos singulares en convocatoria competitiva que se van considerar para o recoñecementos de “créditos docentes equivalentes”
A que profesorado se lle aplica o recoñecemento de “Créditos docentes equivalentes” da actividade investigadora?
Como debe facerse a incorporación dos “créditos docentes equivalentes” ao plan de organización docente do profesorado?
En virtude da aplicación da redución pola actividade docente ¿podería impartir un profesor menos de 120 horas de docencia efectiva?
Como deben aplicarse os “Créditos docentes equivalentes” no caso do PDI Titular de Escola Universitaria que ten recoñecida mediante a correspondente resolución reitoral unha dedicación docente de 240 horas?
No acordo do 11 de outubro de 2007 de recoñecemento da actividade investigadora como debe entenderse o parágrafo: “Cada curso académico, cada departamento encargarase de determinar os valores dos indicadores da
No indicador de teses de doutoramento que quere dicir : “…deberanse ter en conta as teses defendidas nos dous cursos académicos previos a aquel para o que se cursa a solicitude…”
No caso dunha tese dirixida por dous doutores de departamentos diferentes, cada profesor podería aplicar os 2 créditos de desconto ante o seu departamento?
Como debe interpretarse o parágrafo relativo ao indicador dos sexenios que dí:
Quen proporciona a información sobre as teses lidas, participación en proxectos de investigación e sexenios?

Nota importante: actualización destas preguntas frecuentes

Estase a actualizar a información que figura neste apartado de "preguntas frecuentes" de acordo cos Criterios para a Planificación Académica Anual para o curso 2009-2010. En breve será publicada esta información.

Recoñécese como actividade investigadora na dedicación do profesorado os contratos do programa Cenit e os contratos con empresas a través de FEUGA?

Non, os contratos e convenios non se recoñecen só os proxectos de investigación. No caso do Contrato do Programa Cenit ten a consideración de Contrato singular, polo tanto recoñécese.

Como se aplica a redución polos proxectos de investigación?

Os proxectos reducirán en función do tipo de proxecto, os créditos que teñen asignados.Ex. Un proxecto nacional de 4 créditos reducirá estes catro créditos en cada un dos cursos académicos que coinciden cos dos proxectos en vigor. A redución deberá aplicarse no momento de elaborar a proposta. O límite temporal para considerar en vigor o proxecto será cando o Consello de Departamento aprobe o POD de acordo co calendario de PAA aprobado. A este respecto os proxectos deberán estar en vigor o 9 de maio do curso actual.

Os créditos indicados para cada tipo de proxecto entendéranse para cada un dos membros do proxecto ou a repartir entre todos eles?. Exemplo, no caso dun proxecto nacional ¿cada participante obtén 4 créditos ou hai que dividir 4 créditos entre todos os participantes segundo o criterio do investigador principal?

Non, non é para cada un dos membros senón para todos eles a xuízo do investigador principal só se este investigador ou investigadora principal pertence á Universidade.

No caso de profesores da USC participantes en proxectos de investigación doutras universidades, valórase esta participación, tanto en proxectos nacionais como autonómicos?

A participación de profesores da USC en proxectos de investigación doutras universidades tanto nacionais como autonómicos só se valorará cando o investigador principal pertenza á USC. Só se valorarán proxectos de investigación que non son coordinados pola USC no caso de que sexan Proxectos ou contratos singulares en convocatorias competitivas da UE, Consolider, Ciber, etc.

A participación no Programa Consolider, ben como coordinador do nodo CESGA ou ben como membro do “Consello de Dirección do Consolider Mathemática i-MATH ten a consideración de Proxecto ou contrato singular en convocatoria competitiva coordinado pola USC que sinala o Acordo do Consello de Goberno do 11 de outubro de 2007 sobre o recoñecemento da actividade investigadora na dedicación do profesorado da USC?

Si.

No caso de proxectos europeo non coordinados pola USC no que un dos socios é unha Consellería da Xunta de Galicia ¿Pódese recoñecer a actvidade investigadora dun profesor da USC que participe como coordinador do equipo da Consellería?

Si.

Que se entende por contrato Singular?

Aquel no que participan varios organismos consorciados

Cales son as diferentes modalidades de proxectos ou contratos singulares en convocatoria competitiva que se van considerar para o recoñecementos de “créditos docentes equivalentes”

A día de hoxe as únicas modalidades de proxectos ou contratos singulares en convocatoria competitiva a considerar son os da UE, Consolider, Ciber e Cenit.

A que profesorado se lle aplica o recoñecemento de “Créditos docentes equivalentes” da actividade investigadora?

Ao persoal docente e investigador da USC a tempo completo segundo as categorías que a este respecto establecen os Estatutos da USC de acordo co que establece a Lei Orgánica de Universidades.

Como debe facerse a incorporación dos “créditos docentes equivalentes” ao plan de organización docente do profesorado?

A aplicación polo departamento dos Criterios para a elaboración da PAA para o curso 2008/2009 deberá realizarse consonte ao que establece o propio acordo, é dicir non pode ser modificado en virtude de criterios de reparto establecidos no departamento. O Acordo sobre o recoñecemento da actividade investigadora na dedicación do profesorado universitario aprobado pola USC establece, ao abeiro da normativa vixente, en 240 ou 360 horas, segundo a categoría, as horas de dedicación docente do profesorado a tempo completo, polo tanto o recoñecemento do esforzo investigador debe aplicarse sobre as 240/360 horas de dedicación de cada profesor. A aplicación do esforzo investigador é individual para cada profesor, tal é como se pode comprobar cos indicadores para a valoración obxectiva aplicable a todas as áreas de coñecemento que establece o Acordo do Consello de Goberno do 11 de outubro de 2007.

En virtude da aplicación da redución pola actividade docente ¿podería impartir un profesor menos de 120 horas de docencia efectiva?

O profesorado deberá impartir como mínimo 120 horas de docencia efectiva, xa que como queda dito a dedución faise a partir das horas de dedicación a tempo completo dun profesor (240/ 360). Unha excepción a esta regra sería a do profesorado que ocupa un cargo académic o ex. Decanos e directores de centro con unha redución de 150 horas nos que a docencia presencial mínima pode chegar ás 60 horas.

Como deben aplicarse os “Créditos docentes equivalentes” no caso do PDI Titular de Escola Universitaria que ten recoñecida mediante a correspondente resolución reitoral unha dedicación docente de 240 horas?

Ao PDI Titular de Escola Universitaria con dedicación de 240 que foi equiparado ao profesor Titular de universidade polo recoñecemento da súa actividade investigadora os “Créditos docentes equivalentes” pola actividade investigadora aplicaránselles a partir das 240 horas de dedicación docente.

No acordo do 11 de outubro de 2007 de recoñecemento da actividade investigadora como debe entenderse o parágrafo: “Cada curso académico, cada departamento encargarase de determinar os valores dos indicadores da

Que será o departamento o que reciba dos seus afectados ou dos servizos centrais da USC os datos necesarios para a aplicación dos créditos docentes equivalentes. No caso dos créditos docentes correspondentes ao maior esforzo docente ligado ao número de alumnos de cada grupo, o cálculo faino a aplicación informática Xescampus en función dos alumnos que hai que contabilizar para cada un dos grupos de PDA tanto nos grupos de teoría como nos de encerado (pizarra).

No indicador de teses de doutoramento que quere dicir : “…deberanse ter en conta as teses defendidas nos dous cursos académicos previos a aquel para o que se cursa a solicitude…”

a) que as teses a considerar serán as defendidas nos cursos 2006/ 2007 e 2007/2008 para aplicar na programación correspondente ao curso 2008/2009.

b) a data de límite que se debe considerar no curso 2007/2008, en tanto que non rematou, para a aplicación do indicador de defensa de teses de doutoramento é a de aprobación polo Consello de Departamento do POD para o curso 2008/2009 que figura no calendario académico da PAA .

No caso dunha tese dirixida por dous doutores de departamentos diferentes, cada profesor podería aplicar os 2 créditos de desconto ante o seu departamento?

Tal e como se establece no Acordo aprobado polo Consello de Goberno “…No caso de que a tese fose dirixida por máis dun doutor ou dunha doutora o recoñecementos repartirase entre eles, polo que os 2 puntos haberán de repartilos entre os respectivos profesores con independencia que pertenzan a un ou a varios departamentos, co límite sempre de 6 puntos no apartado de teses de doutoramento.

Como debe interpretarse o parágrafo relativo ao indicador dos sexenios que dí:

“... asignaranse dous créditos en caso de que o último sexenio obtido se corresponda cun período de tempo que se solape aos 8 anos previos á solicitude”?

Que os dous créditos asignaranse sempre que o derradeiro ano do sexenio estea dentro dos últimos 8 anos. Polo tanto tendo en conta que estamos no 2008, entrarían neste rango os sexenios cuxo último ano fóra o 2001.

Quen proporciona a información sobre as teses lidas, participación en proxectos de investigación e sexenios?

A Información sobre as teses lidas e participación en proxectos poderá consultarse na memoria de investigación do departamento ou de produción científica. No caso dos sexenios dende os servizos centrais proporcionarase a información existente na USC e que afecta ao acordo para a aplicación do indicador dos sexenios. Respecto dos demais datos que non figuren na memoria deberán ser xustificados polo interesado/da, así como calquera outro ítem que non obre no departamento.