Xerontoloxía
Admisión e Matrícula
Importancia destes estudos
Galicia está a experimentar un proceso de envellecemento acelerado. O incremento progresivo da poboación de persoas maiores de 65 anos, que en España supera xa o número de individuos menores de 14 anos, fai necesario formar a profesionais nas necesidades e atención sociosanitarias. Ademais, a carencia actual de recursos asistenciais obrigará a amplialos de maneira significativa nos vindeiros anos.
Títulos que se poden obter con este Máster
- Máster en Xerontoloxía:
- Especialista en Xerontoloxía Clínica (UDC)
- Especialista en Xerontoloxía Social (USC)
Destinatarios
Titulados universitarios en Ciencias da Saúde e/ou Ciencias Sociais que queiran ampliar os seus coñecementos no campo da asistencia e a investigación xerontolóxica.
Onde se vai impartir
- Universidade da Coruña: Facultade de Ciencias da Saúde
- Universidade de Santiago de Compostela: Escola de Enfermaría
(Coordinación conxunta)
Obxectivos
- Orientación académica: este POP pretende engadir valor á formación de grao de titulados en Ciencias da Saúde e Ciencias Sociais.
- Orientación profesional: formar aos profesionais da saúde e de Ciencias Sociais nas necesidades e atención sociosanitaria dos maiores, e tamén na xestión e dirección de centros xerontolóxicos.
- Orientación investigadora: facilitar a incorporación de profesionais no campo da investigación xerontolóxica.
Modalidade de impartición
Presencial
Idioma no que se imparte
Galego/Castelán/Inglés
Ámbito de coñecemento
Ciencias da Saúde e Ciencias Sociais
Estrutura Académica
Para acceder ó doutorado, o estudiante, unha vez obtido un mínimo de 60 créditos en programas oficiais de Posgrado ou cando se atope en posesión do título oficial de Máster, poderá solicitar a súa admisión no doutorado, sempre que teña completado un mínimo de 300 créditos no conxunto dos seus estudios universitarios de Grao e Posgrao.
A Comisión Académica avaliará a idoneidade do currículo universitario do interesado, previamente á aceptación.
- PRIMEIRO CURSO (60 créditos)
- Os estudantes deberán cursar 55 créditos comúns ás dúas universidades e completar ata os 60 créditos segundo a optatividade ofertada.
- SEGUNDO CURSO (60 créditos)
- Os estudantes elixirán entre as dúas especialidades.
- Cursarán 50 créditos vinculados á especialidade elixida e 10 créditos de materias optativas.
- Os estudantes que opten polo Máster en Xerontoloxía (xenérico) deberán realizar 60 créditos de calquera das especialidades; por exemplo 30 de Clínica e 30 de Social.
- Os estudantes que realicen os 50 créditos da especialidade de Clínica e os 50 de Social lograrían as dúas especialidades.
Admisión e selección de estudantes
Número de prazas:
- Universidade da Coruña:
- Universidade de Santiago de Compostela:
(Se a demanda nalgunha Universidade fora inferior ao número de prazas que lle corresponde, as prazas sobrantes poden ser ocupadas por solicitantes nas outras Universidades)
Valorarase o expediente académico
Saídas profesionais
As competencias que acadan os alumnos logo da realización do Máster habilítaos para o traballo en:
- centros asistenciais: tarefas de coordinación e xestión de recursos.
- concellos: elaboración e seguimento de diferentes programas asistenciais, desenvolvemento de tarefas de atención e coidado aos maiores.
- área de atención sanitaria (residencias de maiores, centros de día...): coordinación e xestión dos recursos do maior.
- área de atención social: coñecemento das necesidades do maior e do seu contorno, de cara a poñer en marcha as medidas necesarias para palialas.
- formación de profesionais neste ámbito: auxiliares, coidadores...
Datos de contacto
Coordinador
Manuel Gandoy Crego
Máster en Gerontoloxía
Universidad de Santiago de Compostela
Avenida de Xoán XXIII, s/n. 15782. Santiago de Compostela
Tel: +34 981 56 31 00 Ext. 12083
Fax: +34 981 54 70 58
e-mail:xrsecret@usc.es
Horarios [13 KB]
Páxina web: http://www.usc.es/xeronto