Entrevistas: 1 a 20
| 21 a 40 | 41
a 60 | 61 a 80 | 81
a 100 |
| 101 a 120 | 121
a 140 | 141 a 160 | 161
a180 | 181 a 200 |
O Fondo HISTORGA (Historia Oral de Galicia), creado a finais dos
anos 80 pola profesora deste Departamento, Isaura Varela coa colaboración
de Marc Wouters e de Xurxo Pantaleón, dispón na actualidade dunha
inestimable colección que xa supera as 1.500 entrevistas, poñendo
á disposición de todos testemuñas sobre aspectos centrais da historia
recente de Galicia.
Á modo de exemplo, compre salientar o fondo de máis de 350 gravacións
en torno á guerra civil e ó exilio, as máis de
700 entrevistas sobre a emigración a América, ás
que aínda hai que sumar as relativas á emigración a Europa
e os fluxos migratorios interiores, as igualmente ricas
testemuñas sobre a conflictividade política e social rexistrada
no Franquismo e na Transición, ou as referentes
á vida cotián, á alimentación,
ou á educación en Galicia.
Nos últimos tempos estase a facer, ademais, un gran esforzo por
incorporar novos eidos temáticos de forte actualidade, como son
a inmigración ou a muller.
Conscientes do enorme interés e potencial do fondo, no ano 2005
púxose en marcha, no marco do Plan Estratéxico do Departamento,
un convenio coa Consellería de Cultura (Xunta de Galicia) para a
catalogación e publicitación do arquivo que nos permitira dalo a
coñecer e poñelo á disposición da comunidade académica así como
do conxunto da sociedade.
O resultado desta iniciativa son as máis de 200 fichas que nesta
primeira entrega inclúe este catálogo virtual, e que permiten unha
primeira achega para a consulta da fonte, dispoñible na súa totalidade
no local de HISTORGA, do Departamento de Historia Contemporánea
e de América, na Facultade de Xeografía e Historia.
Por último, compre sinalar que o deseño do catalogo responde á
necesidade de harmonizar unha estructura funcional cos criterios
éticos e legais que sempre ha de atender a difusión dun fondo destas
características.
|
