I Premios a Artigos Sobre Educación Publicados
por Profesionais do Ensino Non Universitario en Galicia
Convocados pola Consellería de Educación
e Ordenación Universitaria (Xunta de Galicia) e o Instituto
de Ciencias da Educación da Universidade de Santiago
de Compostela (USC).
ACTA DO XURADO
De acordo coas Bases dos Premios, o día 12 de xullo
de 2005, reúnese na Sala de Prensa da Reitoría
da USC o Xurado nomeado ao efecto, e de xeito conxunto,
polo Excmo. Sr. Reitor Magfco. da USC e polo Excmo. Sr.
Conselleiro de Educación e Ordenación Universitaria,
da Xunta de Galicia.
O Sr. Presidente le as Bases e pormenoriza sobre o seu
contido e as funcións do xurado.
O Sr. Secretario distribúe os traballos da Modalidade
A. Tódolos membros do Xurado reciben unha copia de
cada traballo, procedéndose a marcar un prazo de
lectura.
Rematado o prazo de lectura e valoración individual
dos traballos, póñense en común as
valoracións correspondentes por parte do Xurado,
co obxecto de decidir sobre os premiados.
Feita a correspondente votación, decídese,
por unanimidades de tódolos membros do Xurado, a
seguinte distribución dos Premios (Modalidade
A):
1º Premio: Juan Antonio Pinto Antón,
polo seu artigo titulado “E Platón sentouse
diante do Televisor”, publicado no Xornal El Progreso
de Lugo (2003-2004).
2º Premio: Ángeles Carbajo Martínez,
polo seu artigo titulado “Apuesta por una Educación
Intercultural”, publicado no Xornal El Correo Gallego
o 21 de marzo de 2005.
3º Premio: Rita Díez Rechou,
polo seu artigo titulado “A Educación Viaria
nas clases de Educación Física”, publicado
na Revista Saudiña en novembro de 2004.
Rematada a valoración dos traballos, e feita a proposta
de concesión dos Premios na Modalidade A, o Sr. Presidente
indica que procede comenzar o estudo dos traballos correspondenste
á Modalidade B.
O Sr. Secretario distribúe un exemplar a cada un
sos vinteún (21) traballos presentados nesta Modalidade.
Márcase un prazo para a lectura e análise
dos traballos.
Rematado o prazo de lectura e valoración individual
dos traballos, procédese á discusión
das valoracións en común por parte do Xurado,
a fin de decidir a elección dos Premiados.
Feita a correspondente votación, decídese,
por unanimidade de tódolos membros do Xurado, a seguinte
distribución dos Premios (Modalidade B):
1º Premio: Mario Aller Vázquez,
polo seu artigo titulado “Accesorios mágicos
para escribir en la escuela”, publicado en Cuadernos
de Literatura Infantil y Juvenil, nº 18.
2º Premio: Francisco Fernández Barrios,
polo seu artigo titulado “Nuevas Técnologías
en el Aula: ¿búsqueda de calidad o estar a
la moda?, publicado na Revista de Educación Padres
y Maestros, nº 78, en setembro de 2003.
3º Premio: Manuel A. Fernández Domínguez,
polo seu artigo titulado “Petróleo, Enerxía
e Consumo”, publicado no Boletín das Ciencias
de ENCIGA, nº 52, en maio 2003.
E así o asinan e rubrican tódolos membros
do Xurado, en Santiago de Compostela, a día 12 de
Xullo de 2005.
O PRESIDENTE DO XURADO
Dario Villanueva Prieto
OS VOCAIS DO XURADO
Francisco Río Barja
Julio Casado Linajeros
Manuel Quintáns Suárez
O SECRETARIO DO XURADO
Miguel A. Santos Rego
