Se desexan presentar unha comunicación deberán enviar un resumo (dun máximo de 1500 caracteres, sen contar espazos, en formato RTF), antes do 1 de marzo de 2005 ao enderezo electrónico da secretaría do Congreso ( sec3cfe@usc.es) ou ao enderezo postal seguinte:

Secretaría do III Congreso de Fonética Experimental
Facultade de Filoloxía
Avda. Castelao, s/n
15782 Santiago de Compostela

No resumo da comunicación -en galego, español ou inglés - só se consignará o título da mesma; en folla á parte incluiranse os seguintes datos:
· Nome de autor(es)
· Título da comunicación
· Institución de adscrición
· Enderezo electrónico, postal e teléfono de contacto
· Área temática na que se inscribe (Serán admitidas todas aquelas comunicacións que, malia non se axustaren ás áreas temáticas propostas, estean relacionadas con algún ámbito da fonética experimental).

A aceptación dos relatorios darase a coñecer antes do 1 de abril de 2005. O texto completo e definitivo para a súa publicación nas actas deberá ser entregado no propio congreso no momento da súa exposición. A presentación non excederá dos 20 minutos e haberá dez minutos para a súa discusión cos asistentes

Todos os participantes no congreso recibirán por correo electrónico un documento coas normas de estilo para a publicación das comunicacións nas actas; se aínda non o recibiu, reclámeo en sec3cfe@usc.es.

>> Formulario en liña.

:: Imprimir