Páxina visitada
414 veces

Páxinas web do
Departamento de Física da Materia Condensada	www.usc.es/mat-cond
da Universidade de Santiago de Compostela

Acerca do noso sitio web, www.usc.es/mat-cond

Actualización dos contidos. En última instancia, para manter actualizada a información presentada neste sitio web é necesaria a implicación dos membros do departamento. Se desexas que algunha sección sexa actualizada, se detectas que algún enlace ou outro aspecto do sitio web deixa de funcionar correctamente, ou se tes calquera suxestión, por favor non dubides en contactar co administrador da web

O administrador deste sitio web é na actualidade o profesor do departamento M.V. Ramallo, a quen tamén correspondeu o deseño e a implementación iniciais. Anteriormente o noso departamento contaba con outro sitio web, http://aiff.usc.es/~mcdpto/ARCHIVOS, deseñado por Nieves Lorenzo González.

Aloxamento. Para o aloxamento deste sitio web empregamos os servidores web centrais da nosa Universidade. De acordo coa normativa dos devanditos servidores , e as recomendacións do FECYT , a dirección de internet da nosa web (http://www.usc.es/mat-cond) é un subdominio da web principal (http://www.usc.es ) da nosa universidade. Con todo, as dúas direccións constitúen sitios web distintos, con distintos responsables de contidos, administradores, etc.

Accesibilidade para persoas con discapacidade visual. A nosa infraestrutura software xera de forma automática unha versión accesible das nosas páxinas, sen perda de información. A entrada na versión accesible da nosa web pode realizarse desde a cabeceira de calquera das nosas páxinas.

O software encargado da conversión foi desenvolvido por M.V. Ramallo. Está en proceso de avaliación, e en breve licenciarase en dominio público. A elaboración de páxinas web accesibles para persoas con discapacidade visual, total ou parcial, é un proceso laborioso que este sistema simplifica considerablemente, reducindo o traballo dos autores a practicamente só engadir etiquetaxes identificativas ás súas imaxes e táboas (o cal xa por outros motivos considérase boa praxe de escritura de webs). O sistema xera páxinas en texto de alto contraste e que normalmente superan o test de accesibilidade TAW3 con máxima cualificación (triplo-A). En comparación, o habitual neste momento en sitios web mantidos por persoal especializado é un nivel dobre-A en menos da metade das páxinas.

Conformidade coa Guía de Estilo Web da USC. Este sitio web está en conformidade co Manual de Imaxe Corporativa e Identidade Visual da USC, en particular na súa sección "Guía de estilo do sitio web", vinculante para sitios web institucionais da USC como o noso.

Plan Estratéxico. A elaboración da versión actual do noso sitio web encadrouse na execución do Plan Estratéxico do noso departamento.

Imaxe empregada na parte superior de cada páxina. A imaxe que precede ao texto de cada unha das nosas páxinas correspóndese cun vórtice turbulento visualizado co uso de colorantes. Escollimos esta imaxe como representativa de varias das temáticas de investigación do noso departamento (aínda que non de todas!). Así, as formacións de vórtices turbulentos son habituais nos problemas de física non lineal, na física atmosférica, en estudos de sistemas fora do equilibrio, ou no comportamento dos portadores eléctricos nos materiais superconductores. Os colorantes coloidales son tamén obxecto de estudo no noso departamento. A imaxe que empregamos provén realmente dunha fermosa fotografía feita pública polo NASA Langley Research Center (NASA-LaRC) , imaxe que segundo o noso coñecemento está libre de copyright.