A Olimpíada Matemática Galega é unha competición entre estudiantes de Galicia que ten como obxectivo fundamental o estimular o estudio das matemáticas descubríndoas fóra dos ríxidos temarios curriculares e dos chamados exercicios tipo, en definitiva, desenvolver o gusto pola resolución de problemas. 

    Este concurso constitúe a Fase de Distrito Galego da Olimpiada Matemática Española que convoca anualmente a Real Sociedad Matemática Española. As probas, organizadas pola Asociación Eduardo García-Rodeja Fernández, celébranse na Facultade de Matemáticas da Universidade de Santiago de Compostela, e nelas selecciónase ata 9 estudiantes para representar a Galicia na Fase Nacional.

    Pode participar na olimpíada calquera estudante de Bacharelato que curse os seus estudios nun centro galego; excepcionalmete poderán participar estudantes da última etapa da ESO que acrediten especiais aptitudes. 

    Os problemas das diferentes fases non requiren uns coñecementos especiais de matemáticas, senón que buscan a capacidade de raciocionio e a orixinalidade do pensamento.