Oficina de Software Libre

A Oficina de Software Libre da USC, xunto co Servizo de Normalización Linguística da USC e a Comisión de Normalización Linguística da ETSE ante a elevada demanda de prazas solicitadas nestes primeiros días da apertura da matrícula decidiron aumentar o número de prazas a 50 persoas.

Nestes primeiros días, xa se inscribiron 37 persoas cun perfil moi variado. Cabe resaltar que aos principais usuarios aos que ía orientado o curso, os membros da ETSE e os membros da facultade de Filoloxía están a responder moi ben. Pero os interesados en dito curso non soamente son membros destas facultades senón que se atopan persoas de titulacións tan diferentes como, Física, Historia da Arte, Economía, Dereito, Farmacia, alumnos de posgrao, etc.

Xa está confirmado o profesorado que impartirá dito curso:

• - Francisco Diéguez Souto, técnico da OSL
• - Antón Gómez Méixome, lingüista de Mancomún
• - Enrique Estévez Fernández, coordinador da OSL (colaborador)
• - Denís Fernández Cabrera, técnico da OSL (colaborador)

E dentro das aplicacións que serán traducidas na parte práctica do obradoiro, barallanse entre as aplicacións a traducir:

• - inkscape
• - pspp
• - qtoctave
• - qtplot
• - scribus
• - omegaT
• - netbeans
• - argo-uml

Matrícula e datos do evento:

O evento terá lugar os días 30 de Abril e 7 e 9 de Maio, na Escola Técnica Superior de Enxeñaría, Aula I6, xunto ao Departamento de Electrónica e Computación do Monte da Condesa.

A matrícula deberá de se realizar a través de XesCampus do 14 ao 28 de Abril, e será de balde. O número de prazas pasa de 40 a 50. Se se desbordaran as prazas, posiblemente non se aumente de novo o número, e apostarase por repetir dito obradoiro a principios do curso que ben. Así que se estás interesado non esperes máis.