O Software Libre e a Lingüística

21 ó 24
setembro

Curso da Universidade de Verán

• O Software Libre e a Lingüística (LINGUA 09)
• Lugar: Na aula 7 da facultade de Filoloxía
• Nº de horas lectivas: 16
• Organiza: A Oficina de Software Libre
• Director: Enrique Estévez Fernández
• Secretario: Denís Fernández Cabrera

Este seminario, enmarcado no programa de cursos de verán da USC, ten como principal obxectivo expoñerlles aos asistentes unha visión xeral da interelación entre o software libre e informática xeral coa investigación filolóxica e lingüistica, tanto no análise de datos como nas canles creadas neste eido e os mecanismos de traballo asociados.

Segundo isto, as conferencias serán exposicións teóricas que abranguerán os diferentes aspectos e axentes implicados, sendo impartidas por recoñecidos referentes profesionais das múltiples áreas- empresas, universidades e asociacións.

O curso está dirixido a un público xeralista se ben será de especial interese a aquelas persoas que académica ou persoalmente están ligadas a proxectos de tradución e investigación lingüística, podendo asistir tanto alumnado e persoal da universidade como persoas externas á universidade.

Os/as asistentes a cursos de verán terán dereito a un diploma no que constarán o título do curso, o número de horas e a asistencia.

Os/as estudantes da USC recibirán, ademais o certificado por 1 créditos de libre configuración. para o que é requisito a asistencia regular, cando menos, ao 80% das horas lectivas

PRAZO e IMPORTE da MATRíCULA

A inscrición poderáse facer en liña a partires do 25 de maio ou presencialmente a partires do 15 de maio.

A data límite de inscrición é o 11 de setembro

NON SERá POSIBLE MATRICULARSE FóRA DO PRAZO.

Informacións das normas reguladoras da universidade de verán na seguinte ligazón: uveran09.

Os importes da matrícula distinguiránse en duas seccións:

Taxa xeral: 70 €*

Taxa reducida: 40 €*2

* - Todas as persoas que non están cubertas polo seguro escolar obrigatorio da USC (as persoas que non teñan realizado matrícula na USC no curso académico 2008-09 ou ben aquelas persoas que, sendo alumnos/as da USC neste curso 2008/09 e sendo maiores de 28 anos, non teñan contratado este seguro nos estudos nos que formalizaron matrícula), deben subscribir, a parte da matrícula, o seguro obrigatorio de 9,45 €. A formalización desta póliza farase no momento de realizar a matrícula.

*2 - Aplicable a estudantes de calquera universidade ou en estudos de formación profesional, persoas desempregadas e PDI e PAS da USC, cursos de 30 ou menos horas lectivas

*3 - En ningún caso será posible a devolución de taxas unha vez realizada a matrícula, agás pola suspensión do curso. Un curso suspenderase se non acada 30 estudantes inscritos/as; nestes casos a USC devolve só o importe da taxa pagada.

Aviso: Nos vindeiros días subiránse aquí o material dos relatorios. Polo momento poden desfrutar de algunhas delas

O curso Software Libre e a Lingüística celebrarase na Universidade de Santiago de Compostela, concretamente na Facultade de Filoloxía, na aula 7. O seguinte mapa amosa a situación de dita facultade.

Se tes calqueira consulta ou calquer comentario escríbeo debaixo e responderémosche coa maior brevidade posible.