Esta guía presenta instruccións para configura-la rede sen fíos da USC no entorno de escritorio GNOME en Debian GNU/Linux. Nembargante, son aplicables a calquera distribución moderna que empregue GNOME (Ubuntu, SuSE, Red Hat, Fedora).

Pasos:

1. Activación da túa conta
2. Descarga do certificado
3. Configuración do Network Manager

Activación da túa conta

1. Activa a túa conta para ter acceso ós servizos de rede wifiusc no portal de activación de servizos: Activación dos servizos para redes sen fíos

Descarga do certificado

O cerfificado PEM garante que a rede á que te conectas é a da USC, o que significa que os datos transmitidos irán cifrados e, polo tanto, seguros.

1. Fai clic co botón dereito na seguinte ligazón para descarga-lo Certificado PEM.
2. Selecciona "Gardar ligazón como...".
3. Escolle un lugar seguro no teu disco duro onde garda-lo certificado (por exemplo, un cartafol certificados dentro do teu cartafol persoal). Precisas telo sempre nese sitio, así que asegúrate de que non é un cartafol que vaias borrar ou mover.

Configuración do Network Manager

Na esquina superior dereita da pantalla verás unha icona (a icona de xestión de rede do sistema) semellante a algunha destas, dependendo do estado actual da tua conexión:

• Network Manager desconectado.
• Network Manager conectado por cabo de rede.
• Network Manager buscando conexión.
• Network Manager conectado por wifi.

Independentemente do estado no que estea, os pasos para configurar a rede son os seguintes:

1.- Fai clic co botón esquerdo nela e obterás un menú coma o seguinte. Escolle a opción WifiUSC:

2.- Presentaráseche un dos dous seguinte cadros de diálogo, dependendo da versión de GNU/Linux que teñas, olla os datos que tes que rechear coma a táboa:

	Seguridade sen fíos: WPA Empresarial Método EAP: TTLS Tipo de clave: TKIP Tipo Phase2: PAP Identidade: O teu usuario de RAI / USC Contrasinal: A tua contrasinal de RAI / USC Identidade anónima: anonymous@usc.es Ficheiro de certificado de CA: ver seguinte paso
	Autenticación: TLS por medio de Tunel Identidade anónima: anonymous@usc.es Ficheiro de certificado de CA: ver seguinte paso Identidade: O teu usuario de RAI / USC Contrasinal: A tua contrasinal de RAI / USC

4.- Os certificados de cliente e de chave privada deben de quedar baleiros para a primeira versión O certificado de CA debe ser o que descargaches anteriormente. Fai clic sobre botón destacado en vermello na imaxe anterior para escollelo:

E pulsa conectar. 5.- O xestor de contrasinais de GNOME é un programa que, empregando unha contrasinal mestra, cifra todas as contrasinais que vaias empregando no sistema (e que así lle autorices) de xeito que non teñas que volver a introducilas cada vez. É un xeito seguro de evitar ter que lembrar moitas contrasinais. Moi probablemente (dependendo da configuración do teu equipo) pedirache que o fagas agora:

Se empregaches antes o anel de chaves, deberás introduci-la contrasinal que escolliches. Caso contrario pedirache que introduzas a contrasinal por primeira vez.

Cumpridos os pasos anteriores, a WifiUSC debería de funcionar correctamente.