Esta guía presenta instruccións para configura-la rede sen fíos da USC no entorno de escritorio KDE en Kubuntu GNU/Linux. Nembargante, son aplicables a calquera distribución moderna que empregue KDE (KUbuntu, entre outros).

Pasos:

1. Activación da túa conta
2. Descarga do certificado
3. Configuración do Network Manager

Activación da túa conta

1. Activa a túa conta para ter acceso ós servizos de rede wifiusc no portal de activación de servizos: Activación dos servizos para redes sen fíos

Descarga do certificado

O cerfificado PEM garante que a rede á que te conectas é a da USC, o que garante que os datos transmitidos irán cifrados e, polo tanto, seguros.

1. Fai clic co botón dereito na seguinte ligazón para descarga-lo Certificado PEM.
2. Selecciona "gardar ligazón como...".
3. Escolle un lugar seguro no teu disco duro onde garda-lo certificado (por exemplo, un cartafol certificados dentro do teu cartafol persoal). Precisas telo sempre nese sitio, así que asegúrate de que non é un cartafol que vaias borrar ou mover.

Configuración do Network Manager

Na esquina inferior dereita da pantalla verás unha icona (a icona de xestión de rede do sistema) semellante a algunha destas, dependendo do estado actual da tua conexión:

• Network Manager desconectado.
• Network Manager conectado por cabo de rede.
• Network Manager buscando conexión.
• Network Manager conectado por wifi.

Independentemente do estado no que esté, os pasos para configura-la rede son os seguintes:

1.- Fai clique co botón esquerdo nela e obterás un menú coma o seguinte. Escolle a opción WifiUSC:

2.- Presentaráseche o seguinte cadro de diálogo, (cos datos sen cubrir):

3.- Introduce os seguintes datos (os mesmos que ves na imaxe anterior):

• Seguridade sen fíos: WPA Empresarial
• Método EAP: TTLS
• Fase 2: PEAP
• Identidade: O teu usuario de RAI / USC
• Contrasinal: A tua contrasinal de RAI / USC
• Identidade anónima: anonymous@usc.es
• Ficheiro co certificado de CA: ver seguinte paso

4.- Os certificados de cliente e de chave privada deben de quedar baleiros. O certificado de PA debe ser o que descargaches anteriormente. Fai clic sobre botón da caixa de texto como ves na imaxe anterior para escollelo:

E pulsa conectar.

5.- O xestor de contrasinais de KDE (kwallet) é un programa que, empregando unha contrasinal mestra, cifra todas as contrasinais que vaias empregando no sistema (e que así lle autorices) de xeito que non teñas que volver a introducilas cada vez. É un xeito seguro de evitar ter que lembrar moitas contrasinais. Moi probablemente (dependendo da configuración do teu equipo) pedirache que o fagas agora:

Se empregaches antes o anel de chaves, deberás introduci-la contrasinal que escolliches. Caso contrario pedirache que introduzas a contrasinal por primeira vez.

Cumpridos os pasos anteriores, a WifiUSC debería de funcionar correctamente.