Programa de préstamo de bicicletas na USC curso 2011/2012

 

 

• Obxectivos
• Destinatarios
• Achegas do programa
• Como podo participar?
• Requerimentos de participación
• Análise das solicitudes de participación

• Ligazóns de interese sobre as bicicletas

• Actividades divulgativas

• Tendas de reparación

• Descontos para mercar bicicletas

Cartel informativo sobre o Programa de préstamo de bicicletas na USC

Destinatarios

O programa de préstamo de bicicletas vai dirixido a toda a comunidade universitaria da USC (estudantes, PDI e PAS).

Achegas do programa

O programa de préstamo de bicicletas comprométese cos seus participantes a:

• Dotación dunha bicicleta e dous cadeados.

• Asesoramento técnico durante o tempo de vixencia do programa.

Durante os meses nos que o préstamo estea activo, dende a Coordinación do Plan de Desenvolvemento Sostible informarase a todos os participantes das actividades que se organicen en relación ao fomento do uso da bicicleta.

 

Como podo participar?

Todas aquelas persoas que estean interesadas en participar no programa de préstamo de bicicletas terán que cubrir o seguinte formulario:

Formulario de participación no Programa de préstamo de bicicletas

 

O prazo para solicitar unha bicicleta comeza o 3 de outubro de 2011 ás 09.00h e remata o 16 de outubro de 2011 ás 14.00h.Todas aquelas solicitudes que sexan enviadas en distinto prazo ao anteriormente mencionado, non serán consideradas.

A adxudicación das bicicletas farase en función da orde de inscrición. Haberá dúas listas de peticións diferenciadas para o campus de Lugo e o de Santiago, xa que existirá un número máximo de bicicletas para cada unha das cidades.

A listaxe de persoas ás que se lle concederá unha bicicleta farase pública a través de esta mesma web. Ademais, publicarase a listaxe de persoas en lista de agarda, así coma o calendario de recollida das bicicletas.

 

Requerimentos de participación

As persoas que participan no Programa de préstamo de bicicletas, comprométense a:

1. Desprazarse na bicicleta nos seus desprazamentos cotiás no período de cesión da bicicleta.
2. Participar nas actividades que se desenvolvan dentro do Programa de préstamo de bicicletas da USC que se comunicarán previamente a través do correo electrónico.
3. Cubrir as enquisas de avaliación preparadas ao efecto e que se facilitarán no momento da entrega e recepción da bicicleta.
4. Devolver a bicicleta en perfecto estado de uso no lugar, data e hora que se indiquen a tal efecto.
5. Gardar a bicicleta en lugar seguro e baixo cuberta durante os períodos en que non se empregue, especialmente polas noites.
6. Responsabilizarse de calquera avaría na bicicleta non debida a defectos estruturais ou de fabricación da bicicleta e solucionalos antes da devolución da bicicleta. Os custes derivados de arranxar estas avarías ou de repoñer as pezas da bicicleta deben ser sufragados polo usuario.
7. Comunicar á Coordinación do Plan de Desenvolvemento Sostible da USC calquera incidencia que impida cumprir os compromisos adquiridos.