Impacto ambiental nas universidades
A sociedade actual caracterízase por
manter un determinado modelo de vida baseado nun elevado
ritmo de consumo que se reflicte principalmente nun
paulatino esgotamento dos recursos naturais e nunha
xeración de residuos en constante aumento.
As universidades non son alleas a este
problema e están a producir un impacto no medio derivado do
consumo de recursos e xeración de residuos asociados ás súas
actividades docentes, investigadoras e de xestión. Este impacto ambiental pode ser
cuantificado a través da pegada ecolóxica.
Que é a
pegada ecolóxica?
A pegada ecolóxica é un indicador que nos permite
coñecer aproximadamente o impacto dunha poboación
sobre a natureza. Exprésase en hectáreas por persoa e
ano, representando os custes ecolóxicos do modelo de
vida da poboación analizada (mediante a superficie de
planeta necesaria para manter ese determinado modelo).
|
