En que consiste?

A USC asinou un convenio de colaboración en xuño de 2005 con tres organizacións non gobernamentais para que a campaña que desenvolven para a recollida de móbiles teña lugar nos campus de Santiago e Lugo.

Esta campaña enmárcase baixo o lema "Dona tu móvil" xestionada por Cruz Vermella, Fundación Entreculturas e a ONG ALBOÁN (País Vasco e Navarra) coa colaboración da empresa CMR (Corporate Mobile Recycling).

Campaña de reciclaxe de móbiles na USC [PDF-58.2Kb]

Esta campaña vai destinada á recollida de teléfonos móbiles en desuso ou que  xa non funcionen co obxectivo de poder darlle unha nova utilidade social mediante a súa venta, ao mesmo tempo que se colabora no respecto ao medio ambiente.

Para o desenvolvemento da campaña dotouse de 8 contedores aos centros docentes dos campus da USC para depositar os móbiles e de bolsas individuais con franqueo pagado.