|
O Plan de Desenvolvemento Sostible nace cunha vocación de
transversalidade que fai necesaria a definición dun
entramado xestor que permita a participación de toda a
comunidade universitaria ao tempo que asigne a cada un dos
servizos existentes a xestión técnica dos diversos campos
nos que incide.
É imprescindible establecer un espazo de interlocución
específico para o que se creou a estrutura de
Coordinación do Plan de Desenvolvemento Sostible coa
natureza de asistencia á Vicerreitoría na súa labor de
dinamización e coordinación política. Na actualidade, dita estrutura transformouse e creouse a Oficina de Desenvolvemento Sostible dentro do organigrama funcional da USC, como unha unidade con entidade propia.
Para asegurar o despregamento das accións en todos os
ámbitos da USC, especialmente no estudantil, cóntase cos
Coordinadores do Plan de
Desenvolvemento Sostible que, nomeados polos equipos
directivos dos centros, asumen as funcións de coordinación
do Plan no seu respectivo ámbito sendo reforzados por
figuras de bolseiros para a execución de campañas
específicas.
|
