Obxectivos

A convocatoria destas bolsas ten como obxectivo a posta en marcha e divulgación de actividades en cada un dos centros docentes da USC, así como o correcto desenvolvemento destas. As actividades están relacionadas con:

• O desenvolvemento sostible
• A participación e integración universitaria

As actividades son propostas conxuntamente pola Coordinación do Plan de Desenvolvemento Sostible, dependente da Vicerreitoría de Responsabilidade Social e Calidade, e polo Servizo de Participación e Integración Universitaria, dependente da Vicerreitoría de Estudantes, Cultura e Formación Continua.