PRESENTACIÓN
No primeiro lugar, e dende a coordinación do Máster en Enerxías Renovables e Sostenibilidade Enerxética, quixera agradecer a todos os profesionais que fixeron posible o nacemento desta iniciativa e na que tanta ilusión e esforzo puxeron.
O Máster en Enerxías Renovables e Sostenibilidade Enerxética propúxose dende os seus inicios cuns obxectivos tremendamente ambiciosos, asumindo por parte de todos os que o puxemos en marcha, que esta é a única vía de solución aos retos que a nova era enerxética na que estamos inmersos nos leva día a día.
Podemos enumerar os principais obxectivos propostos no MERESE do seguinte xeito:
- Formar integralmente a profesionais que poidan desenvolver con total garantía a súa labor en calquera sector do I+D+i. Unha formación completa e de calidade dende unha perspectiva multidisciplinar, como única vía real para comprender a realidade enerxética actual e propoñer solucións efectivas que redunden positivamente na sociedade.
- Crear un referente a nivel nacional ao que poder acudir ou no que crear un foro de debate formativo para técnicos e profesionais que podan axudar a mellorar un sector no que a demanda futura a corto e medio prazo de persoal especializado a todos os niveis vai ser moi importante.
Para acadar estes obxectivos os responsables do MERESE asumimos o compromiso da calidade e a innovación continua como únicos camiños posibles. Dentro deste proceso formativo integral e continuo, o apoio das diferentes entidades está sendo clave para o éxito do mesmo, ao mesmo tempo que sirve ás mesmas como viveiro inesgotable de persoal cualificado para converxer no espacio enerxético europeo con plenas garantías de éxito, e poder acadar no ano 2020 a porcentaxe de enerxías renovables dun 20% do consumo total de enerxía, levando ao mesmo tempo á integración do medio ambiente na política enerxética da Unión Europea.
Para acadar estes obxectivos propoñemos temas temas tales como:
- A adaptación do actual sistema enerxético da forma menos traumática e mais rápida para facelo máis sostenible e menos dependente de combustibles importados, á vez que ampliar a combinación de fontes de enerxía, especialmente as enerxías renovables, os vectores de enerxía e as fontes non contaminantes.
- Mellorar a eficiencia enerxética en base ao seu uso máis racional, e reducir as emisións de gases de efecto invernadoiro.
- Asegurar o abastecemento sentando unhas bases fortes para acadar o máximo nivel competitivo nas industrias europeas.
- A xestión sostenible do medio ambiente e os seus recursos para minimizar efectos negativos no mesmo tales como o cambio climático xerado pola emisión de gases efecto invernadoiro.
- Mellorar e desenvolver sistemas integrados de transporte paneuropeos mais seguros, ecolóxicos e "intelixentes".
Todos estes puntos se desenvolven ao longo dun temario que se divide en:
- Clases maxistrais, impartidas por docentes do ámbito universitario e que desenvolven a súa investigación en diferentes campos específicos das enerxías renovables e a sostibilidade enerxética.
- Talleres, nos que especialistas de recoñecido prestixio propoñen retos e un foro de debate nos que conxuntamente cós alumnos se desenvolven e buscan solucións.
- Seminarios, ou clases maxistrais combinadas con traballo conxunto con técnicos e especialistas do mundo empresarial que amosan a actualidade e realidade dos temas a os que a diario se enfrontan.
Para abarcar todos estes puntos, deseñouse un programa multidisciplinar e que intenta cubrir todos os campos nos que as enerxías renovables e a sostenbilidade enerxética teñen unha presencia destacable, e que os que desenvolvemos o MERESE agardamos que sexa do agrado de todos.
Graciñas e espero que vos animedes a compartir esta experiencia formativa connosco.
Luis Miguel Varela Cabo
[Coordinador do MERESE]
