Inicio

Concentración

O Comité Intercentros do PAS e a Xunta de PAS funcionario convocan a unha concentración diante do Parlamento para facer ver, de novo, o noso rexeitamento rotundo aos novos recortes que se aveciñan. O xoves 14 de febreiro debátense as enmendas parciais aos orzamentos da Xunta de Galicia na Comisión de Educación e Ordenación Universitaria. 

Data: 14/02/2013
Hora: 16.00
Lugar: Diante da entrada do Parlamento, na rúa do Hórreo en Santiago.

Contra o recorte no financiamento das universidades públicas.
Contra o desmantelamento dos servizos públicos.

Debate e votación dos orzamentos da Xunta

Hoxe, luns 25 comeza o debate da lei de orzamentos no Parlamento da Xunta de Galicia, polo que desde a CIG animásmosvos a participar nas mobilizacións da Coordenadora en Defensa da Universidade Pública, na que a CIG forma parte. E no paro que a CIG ten convocado nas tres universidades galegas para o día 26.

Resumo de mobilizacións:

1. Convocámosvos, a aquelas persoas que poidades asistir, a unha concentración pitada-cacerolada, no  Parlamento o luns 25 ás 10h. comezo do pleno do debate dos orzamentos.
2. Dende o remate desta concentración ata o día seguinte organizaranse actividades, fundamentalmente na tarde do luns, como debates, preparación de pancartas, aulas na rúa…
3. Martes 26 Asemblea de traballadores ás 11h na Facultade de Historia (convocada formalmente por varios sindicatos que forman parte desta coordenadora, que son os que teñen capacidade para facelo, pero en nome desta).
4. Martes 26 Paro convocado de 13-17 horas (servizos mínimos)
5. Ás 12.45 concentración no Toral para saír en manifestación cara ao Parlamento e unirnos a concentración alí convocada.

Información para o PAS laboral

INFORMACIÓN SOBRE A REUNIÓN DO COMITÉ INTERCENTROS

Sobre a proposta de modificación da RPT que nos presentou xerencia o día 2 de xullo a postura que defendeu a CIG  na reunión do Comité Intercentros do pasado mércores foi a seguinte:

Estivemos de acordo en:

• A creación da praza de tarde no Museo Luís Iglesias
   
• A creación dunha praza de tarde na Facultade de Ciencias de Lugo
   
• A readscrición dun posto vacante por xubilación de oficial de servizos da Facultade de Medicina á conserxería do CITIUS
   
• A adscrición dun técnico de investigación (área de bioloxía e saúde) dos laboratorios de Farmacognoscia/Farmacoloxía ao Laboratorio de Farmacoloxía
   
• A adscrición do persoal de conserxería da Facultade de Medicina e Odontoloxía á Facultade de Medicina e Odontoloxía e o Edificio Roberto Novoa Santos.
   
• A corrección na RPT de dúas xornadas con DH (en dous postos bases de técnicos superiores de investigación) ás que lles correspondía unicamente a XP en Arqueometría e na Unidade de Difracción de Raios X
   
• Ás modificacións de requisitos de postos introducidas como consecuencia dos cambios normativos que afectan ás prazas de Socorrista, Técnico de Investigación da Finca de Prácticas, e persoal de xardinería.
   
• A reclasificación dos postos de Oficial de Laboratorio a técnicos de investigación.

Propuxemos informe en contra da proposta de compartir a praza de conserxe da Facultade de Física ( que atende as conserxerías de Física e Electrónica) con Óptica e Optometría, por entender que o persoal destinado en Física está xa suplindo ao persoal de Electrónica e Óptica e que o número de efectivos dos que dispón complica ás veces a atención ás funcións no propio centro. A maiores estamos comprobando como mentres se están agrupando as conserxerías de distintos centros, nestes mesmos estanse duplicando as prazas de Xestor/a de centro (Xeografía e Historia e Filosofía; Políticas e Relacións Laborais;  Física e Óptica). Estes centros parecen ter un volume de traballo suficiente como para contar cada un cun xestor/a, pero obviamente este volume non considera a xerencia que lles afecte ás conserxerías.

Con respecto á reunificación do persoal de conserxerías (ATIS, OFIS e Auxiliares de Servizo) na categoría de Oficial Técnico de Servizos, como non podía ser doutra maneira estamos totalmente a favor, sempre nos opuxemos a esa separación ficticia  e levamos anos demandándoa, pero non de calquera maneira nin a calquera prezo.

• Non nos parece axeitado o momento, no verán e cunha parte importante do persoal de vacacións e o resto ás portas.

• Non imos permitir que o persoal volva pasar por un curso de capacitación paripé para seguir facendo o que sempre se fixo, aínda que algúns se empeñaran en que non era así, e que ademais se non se supera daría lugar a permanecer na categoría de orixe, ou non?

• Non imos permitir que o persoal contratado permaneza na categoría de orixe e con retribucións diferentes ao persoal fixo, nin que decaian as listaxes de agarda. Para evitalo hai que facer un traballo moi meticuloso de integración das diferentes listaxes.

• Non imos acordar unha nova categoría sen ter diante e negociar antes o descritor de funcións.

Sobre a proposta de dotación de xornada irregular dos postos singularizados de conserxe, manifestámonos totalmente en contra ao entender, como xa se insinúa na proposta da xerencia , que é unha xornada irregular ficticia, pensada fundamentalmente para cubrir ao persoal de tarde, e que dependendo do centro e das distintas situacións, vai supoñer un agravio nada desprezable entre quen a cobra e case non a realiza e quen acaba sendo escravo/a dela.

Somos conscientes de que o posto de conserxe non está ben retribuído, pero non cremos que a solución estea no establecemento da xornada irregular. Ao mesmo tempo hai outros postos e categorías que necesitan tamén unha revisión, por iso o posicionamento da CIG neste momento é a de non perder a partida de mellora coa que contamos e facer  unha relación de necesidades detectadas para tentar sacar adiante unha proposta co maior acordo posible, tendo claro que a partida é pequena e que as necesidades son moitas.

Na reunión mantida con xerencia o mércores 17 quedou pendente para a primeira quincena de setembro a apertura da negociación da reunificación das categorías, a aplicación dos cartos da partida de mellora, e a reapertura do proceso para a negociación das condicións do persoal do capítulo VI ( categorías, retribucións, estabilización...)  

A reclasificación dos Oficiais de Laboratorio non pode ir ao Consello de Goberno deste mes ao ser un asunto que lle compete á mesa negociadora e que non estabammos presentes os tres sindicatos, co cal se adía tamén ata setembro.

 Solicitámoslle tamén  que o compromiso verbal do reitor e a xerenta de non denunciar o convenio colectivo se materialice na sinatura dun acordo no que se comprometan a que a denuncia teña que ser acordada polas dúas partes.

14 de Novembro - Folga Xeral

O vindeiro 14 de Novembro estamos convocados a unha folga xeral en contra da explotación e o empobrecemento.

FAITE OIR!

Informe sobre negociacións

Informe sobre as negociacións coa USC e o seu estado actual.