Manual de estilo

A universalización do ensino, os novos e eficaces medios informáticos, a complexidade das sociedades e outras razóns que o lector pode intuír fixeron que os medios escritos se estendesen por todas as coordenadas da sociedade. Como máis xente utiliza a escrita para se comunicar no seu nome e no dunha institución ou unha empresa, fixéronse necesarios manuais ou libros de estilo que guiasen ás persoas que se tiñan que enfrontar ante a tarefa diaria de escribir. Así é que intitucións educativas, medios de comunicación, empresas e outros organismo de diversa índole lanzáronse á publicación de materiais máis ou menos extensos, con maior ou menor calidade, pero coa intención de normalizar as súas comunicacións.

Isto que presentamos aquí pretende ser unha guía fácil e útil para o conxunto da comunidade universitaria, aínda que está especialmente deseñada para o PDI e para o alumnado. Que estea en formato electrónico permite tamén a constante actualización, de xeito que sexa un material vivo que recolla as suxestións que vaian chegando por parte dos usuarios.