Tradutores automáticos

Exiten na actualidade ferramentas de tradución automática que aforran traballo e tempo. Hai que ter en conta, porén, que o resultado vai necesitar unha revisión persoal.

Ver a comparativa entre os sistema de tradución ES>GL e Opentrad (Imaxin e Traducíndote)

Os asteriscos responden a unha valoración feita por nós.

Traducíndote (***)

Este tradutor automático de código aberto está baseado en Opentrad-Apertium e admite moitos formatos, entre eles os textos con formatos doc.

Imaxin (***)

Este tradutor automático de código aberto está baseado en Opentrad-Apertium. Admite formatos RTF e TXT e permite traducir páxinas web (en castelán) ao galego.

Es>Gl (**)

Este tradutor está localizado na páxina da Secretaría Xeral de Política Lingüística. Permite traducir anacos de texto de menos de 4096 caracteres e navegar por internet.

Traduza-g (***)

O Traduza-g é unha ferramenta de tradución potente e fiable que ofrece traducións de calidade en moi pouco tempo. Traduce unicamente na dirección castelán-galego. É un proxecto que parte dunha iniciativa privada, por iso o seu uso non é gratuíto.

Cervantes (**)

Con capacidade para verter 10.000 palabras entre castelán e galego, e viceversa, este novo instrumento limítase á tradución de páxinas web da Rede ou de textos que se insiran na inteface, o que supón unha clara limitación con respecto ás outras ferramentas de tradución.

Alén (**)

O tradutor automático Alén permite un alto grao de personalización. A diferenza dos anteriores, hai que instalar o programa no ordenador desde o que se vaia traballar.