Curso de Especialización en Inserción Sociolaboral de Colectivos de Inclusión Social
2ª edición - 2009-2010

Enderezo web: http://www.usc.es/theo/posgrao/E991/ceiscis.htm

Enderezo

Dpto de Teoría da Educación, Historia da Educación e Pedagoxía Social.
Facultade de Ciencias da Educación. Campus Sur. 
15782 Santiago de Compostela
Teléfono información: 981563100- 13763
Fax: 981530438
Correo Electrónico: mariaesther.olveira@usc.es
 

Presentación

Nunha sociedade aberta marcada pola mundialización, a Universidade ten o compromiso social coa cidadanía de buscar claves de desenvolvemento comunitario que repercutan positivamente nesta, favorecendo modelos educativos innovadores que axilicen o cumprimento do dereito a un posto de traballo digno no marco dunha comunidade.
Dentro deste contexto o Estado, a sociedade civil, a famiila e a Universidade teñen o reto da formación para a inserción sociolaboral non só como unha cuestión de feito senón como un compromiso de vontades cara ó que é valioso na educación: o desenvolvemento persoal, a convivencia pacífica nunha sociedade aberta e pluralista e o acceso real ó mundo laboral.
Dende un punto de vista científico os estudios teóricos sobre a inclusión social lévannos a referir as súas implicacións no ámbito da profesionalización. Profesionalización que nos leva máis aló do sistema formal para integrarnos no sistema social a través de programas específicos de alternancia e de mellora de búsqueda de emprego. A especialización do campo profesional da inserción laboral require de habilidades e destrezas específicas que o profesor Pedro Cabrera, Joaquin Euguren e xuíces de tribunais de menores sinalan nos seus traballos, na súas traxectorias investigadoras e na súa labor cotíá.
A transnacionalidade obriga máis que nunca a que os científicos acaden vías de inflección e integración a través de programas específicos para que os colectivos en situación de risco acaden cotas minímas de calidade de vida.