|
versión en castellano english version |
Preguntas frecuentes
RESPOSTAS A PREGUNTAS FRECUENTES
SOBRE A NORMATIVA DE PERMANENCIA DA USC NOS
ESTUDOS DE GRAO E MÁSTER UNIVERSITARIO
1. Que clase de matrícula ofrece a USC?
Na USC podes matricularte a tempo completo e
a tempo parcial.
2. Cantos créditos ten a matrícula a tempo completo? O primeiro curso dos estudos de grao e máster a tempo completo é de 60 créditos, excepto cando o curso completo comprenda un número inferior de créditos. 3. Cantos créditos ten a matrícula a tempo parcial?
A matrícula a tempo parcial será de 30
créditos e as condicións estableceranse na
convocatoria de matrícula.
4. Quen pode matricularse a tempo parcial?
Poden matricularse a tempo parcial:
•o estudantado que compaxine estudos e
traballo,
•aquelas persoas que pola concorrencia dunha
causa de discapacidade non poidan asumir un
número superior de créditos
•e aquelas persoas que se encontren nunha
situación persoal que aconselle este tipo de
matrícula.
5. Que ten que facer o estudantado que queira optar pola matrícula a tempo parcial?
Deberá presentar o contrato de traballo
acompañado da última nómina, o certificado
de discapacidade expedido polo órgano
competente ou xustificante que acredite
suficientemente a concorrencia dunha
situación excepcional.
6. O estudantado que se matriculou na
USC en primeiro curso por vez primeira,
cantos créditos ten que superar para poder
matricularse na mesma titulación no seguinte
curso académico?
No primeiro curso terá que superar cando
menos unha materia obrigatoria.
7. Que ocorre se no primeiro curso non se supera polo menos unha materia obrigatoria? Pode o estudante matricularse de novo? Si, pode volver a matricularse de novo na mesma titulación no curso seguinte, pero nese novo curso deberá superar un mínimo de 30 créditos obrigatorios no caso da matrícula a tempo completo e de 15 créditos na matrícula a tempo parcial. 8. Se no ano en que se matricula por segunda vez do primeiro curso non supera os 30 créditos obrigatorios esixidos, pode matricularse de novo na mesma titulación? Se non supera os 30 créditos obrigatorios non pode matricularse de novo na mesma titulación durante os próximos catro anos, pero poderá matricularse noutra titulación da USC ou na mesma unha vez transcorridos os catro anos citados. 9. Cantas convocatorias ten o estudantado de grao? O alumnado de grao ten catro convocatorias con dúas oportunidades de avaliación por convocatoria, o que en total supón oito oportunidades de avaliación. 10. A cantas convocatorias se ten dereito nun curso académico?
En cada curso académico pódese consumir unha
convocatoria con dúas oportunidades de
avaliación.
11. O estudantado ten sempre que ser cualificado polo profesorado que desenvolve a docencia? Cando o estudantado se encontre na cuarta convocatoria despois de ter concorrido ás tres convocatorias anteriores, poderá solicitar ser cualificado por un tribunal. 12. Como se esgotan ou consomen as convocatorias?
Tendo en conta que no sistema do EEES
(Espazo Europeo de Educación Superior) a
avaliación é continua, dependendo da
asistencia e participación nas aulas, dos
traballos realizados, das prácticas, etc., e
non unicamente das probas finais, as
convocatorias enténdense esgotadas aínda que
o estudantado non se someta ao sistema final
de avaliación.
13. Que cualificación ten o estudantado
que non se presenta ás probas finais
14. Pódese renunciar á convocatoria?
Pode renunciarse á convocatoria sempre que
concorra algunha causa de forza maior. Neste
caso a solicitude de anulación da
convocatoria será dirixida á Reitoría, que a
autorizará ou denegará de forma motivada.
15. O estudantado con materias pendentes de cursos anteriores como ten que formalizar a matrícula?
Cando unha persoa ten materias pendentes de
cursos anteriores, ten sempre que
matricularse das materias pendentes e
despois das materias dos cursos máis
avanzados, sempre que non superen o límite
máximo de 75 créditos.
16. Pode o estudantado matricularse do último curso con materias pendentes de cursos anteriores?
Unha persoa non pode matricularse do último
curso con materias pendentes do primeiro,
salvo situacións excepcionais debidamente
autorizadas.
17. Cando se pode formalizar a matrícula do traballo de fin de grao?
A matrícula do traballo de fin de grao
pódese formalizar sempre que se teñan
superados un mínimo de 150 créditos ou do
número de créditos que se determine no Plan
de estudos da titulación. Entre estes
créditos deberán encontrarse os contidos na
primeira metade da titulación. As
circunstancias excepcionais estarán
previstas por resolución reitoral.
18. Cando se pode defender o traballo de fin de grao?
O traballo de fin de grao pódese defender
unha vez formalizada a matrícula, pero non
se entenderá superado ata que se superen
todas as demais materias do grao.
19. Cantas convocatorias por curso
académico xera o traballo de fin de grao?
O traballo de fin de grao dá dereito a unha
convocatoria por curso académico, podendo o
estudantado elixir presentarse en xuño ou
setembro. Tamén poderá presentarse o
traballo en febreiro cando sexa a única
materia que resta para finalizar os estudos
ou ben coincida coa data de finalización
deses estudos.
RESPOSTAS A PREGUNTAS FRECUENTES SOBRE A NORMATIVA DE AVALIACIÓN DO RENDEMENTO ACADÉMICO DO ESTUDANTADO E DE REVISIÓN DE CUALIFICACIÓNS NA USC 1. Que é a programación docente ou guía docente? A programación ou guía docente establece para cada materia as liñas xerais de desenvolvemento dela e o profesorado encargado de impartila. 2. Que contido mínimo debe figurar na programación ou guía docente? Deberá especificar: •Profesorado encargado da docencia indicando a persoa coordinadora cando son varios os que a imparten.
•Descritores da materia no plan de estudos
•Número de créditos expositivos,
interactivos, de laboratorio, etc.
•Obxectivos da materia
•Programa da parte teórica e práctica
•Desenvolvemento do temario (con indicación,
de ser posible, do tempo previsto para cada
tema) especificando a docencia non
presencial
•Criterios e sistemas de avaliación (tipo e
número de probas, traballos a presentar coas
posibles datas de entrega de ser o caso,
controis periódicos, etc.)
•Bibliografía recomendada actualizada
3. Que dereitos ten o estudantado respecto das datas dos exames? Debe coñecer con antelación suficiente tanto as datas dos exames como os criterios de avaliación. 4. Poden coincidir as datas dos exames dentro dun mesmo curso? As probas oficiais de carácter global dun mesmo curso non poden coincidir en día e hora; debe o centro evitar que se realicen cunha diferenza inferior a 24 horas. 5. Que pode facer o alumnado cando
coinciden en día e hora dúas probas oficiais
globais de diferentes cursos?
6. Cando se fan públicos os horarios, as
datas das probas oficiais globais e as
programacións docentes?
Deberán publicarse antes de 30 de maio ou, en todo o caso, antes do prazo establecido para o inicio da matrícula do curso académico. 7. Os criterios e sistemas de avaliación deberán ser públicos? O alumnado ten dereito a coñecer os criterios e os sistemas de avaliación das materias, que deberán figurar en todo o caso na programación ou guía docente. 8. O sistema e criterios de avaliación deberán ser os mesmos para todas as oportunidades de avaliación? O sistema e criterios de avaliación serán determinados polo profesorado e aprobados polo Consello de Departamento. No caso de que exista diferenza entre as distintas oportunidades de avaliación, a programación ou guía docente terá que recoller os sistemas e criterios previstos para cada unha delas, incluíndo o sistema e criterios especiais para persoas repetidoras, se existen.
9. Como se valorará a asistencia a clase?
Dependo do previsto na programación ou guía docente da materia a asistencia a clase valorarase
•como un factor máis na avaliación continua
•como unha porcentaxe da nota global final
•como un requisito para superar a materia,
debendo neste caso estar expresamente
contemplado na programación ou guía docente
10. A falla de asistencia ás clases pode
ser valorada negativamente?
A falla de asistencia á clase non poderá puntuarse negativamente, aínda que pode impedir a superación da materia tal e como se prevé no apartado anterior. 11. Poden xustificarse as faltas de asistencia a clase evitando os resultados negativos? As faltas de asistencia poder xustificarse nos seguintes supostos: • A realización dun exame oficial ou proba selectiva na Administración pública, xustificada polo órgano avaliador
• A asistencia a órganos colexiados en
representación dun colectivo, acreditado
mediante a presentación da convocatoria
• O ingreso nun centro hospitalario ou
consulta programada acreditado a través do
xustificante do centro
• A enfermidade que impida a presenza física
no centro, debidamente acreditada
• A folga ou paro académico colectivo
• A enfermidade grave ou falecemento dun
familiar ata o 2.º grao debidamente
acreditado
• O cumprimento dun deber público
debidamente xustificado
• Calquera outra causa de forza maior a
xuízo do Decanato nos estudos de grao ou da
persoa coordinadora nos estudos de máster
12. Poderá o profesorado esixir
determinadas actividades para a superación
das materias?
Cando o profesorado esixa a realización de determinadas actividades (prácticas, seminarios, traballos...) para a superación da materia, deberá precisalo necesariamente na programación ou guía docente. Tamén deberá precisar se a non realización destas actividades impide tamén a superación da materia nas oportunidades de recuperación. 13. Poden conservarse determinadas actividades para os seguintes cursos? Estas actividades poderán conservarse sempre que exista conformidade entre o profesorado responsable en cada un dos cursos.
14. Como se acordan as datas e lugar de
realización das probas oficiais?
Estas datas son acordadas polas xuntas de facultade ou órgano en quen delegue, coa participación da representación do estudantado nestes órganos.
15. Como se fixan as probas oficiais
orais?
As probas orais oficiais establéceas a xunta de facultade ou órgano en quen delegue da mesma forma e coa mesma publicidade que as probas escritas. 16. Como deben realizarse as probas oficiais orais?
Para a realización destas probas o
profesorado deberá convocar aquel
estudantado que previsiblemente poida
examinarse cada día.
17. Onde se realizarán esta probas
oficiais orais?
As probas oficiais orais realizaranse na aula ou despacho que determine o profesorado e deberán ser públicas. 18. Que profesorado será o encargado de realizar as probas oficiais orais? Cando as probas orais sexan as únicas probas da avaliación previstas na programación ou guía docente, deberán realizarse por un tribunal composto cando menos por dous profesores da materia, que deberá ser aprobado polo departamento. 19. Poden modificarse as datas de realización das probas oficiais? Estas datas só poderán modificarse por causas excepcionais e haberá que dar ás novas datas suficiente publicidade. 20. ¿Que profesorado ten que encargarse da avaliación? A avaliación ordinaria realizaraa o profesorado encargado da materia conforme aos criterios establecidos na programación ou guía docente.
21. O estudantado membro de órganos
colexiados que, por razón de asistencia ás
reunións, non poida concorrer ás probas
programadas, ten dereito a que se lle fixe
unha data distinta ás establecidas?
O alumnado nesta situación poderá solicitar que se lle fixe un día e hora diferentes. 22. Cando pode coñecer o estudantado as cualificacións das probas parciais ou finais? Ten dereito a coñecer os resultados da avaliación nun tempo razoable, que salvo casos excepcionais non poderá ser superior a 15 días.
23. Pode o profesorado destruír as probas
oficiais?
O profesorado deberá conservar o material referente ás probas oficiais ata a finalización do curso académico seguinte. 24. Como teñen que publicarse as datas para a revisión? As datas para a revisión das cualificacións deberán estar comprendidas nos dez días seguintes á publicación dos resultados, e o prazo para a revisión será cando menos de tres días hábiles contados dende o seguinte á publicación dos resultados. O horario establecido para a revisión será alternativo en quendas de mañá e de tarde. 25. Que persoas poden concorrer á revisión das cualificacións? A revisión realizarase persoalmente polo alumnado, de forma individual ou colectiva, dependendo do tipo de proba por revisar. 26. Como pode reclamar o estudantado contra a avaliación dada polo profesorado? O estudantado, despois de firmar a revisión da cualificación para que quede constancia de que revisaron a súa cualificación ante o profesorado encargado da materia, pode presentar unha reclamación motivada dirixida ao decanato ou dirección do centro. 27. En que prazo hai que presentar a reclamación contra a avaliación? O prazo para presentar a reclamación é de 10 días hábiles dende que tivo lugar a revisión. 28. Cando pode rexeitarse a reclamación? Cando careza absolutamente de motivación. O estudantado poderá recorrer ante a Reitoría o rexeitamento da reclamación. 29. Quen resolve a reclamación? A reclamación presentada será resolta por unha comisión nomeada pola decana/o de centro, da cal non poderá formar parte o profesorado responsable da cualificación. 30. Que competencias ten a comisión de reclamación? Unha vez revisada a proba, a comisión poderá ratificar a cualificación, modificala outorgando a que corresponda ou adoptar as medidas necesarias para a realización dunha nova proba cando os elementos para a avaliación non sexan suficientes ou os criterios aplicados non se axusten aos establecidos na programación ou guía docente. 31. Quen comunica a decisión da comisión? A decisión será notificada por unha resolución do decano/a. 32. Que pode facer o estudantado ante a decisión da comisión, reflectida na resolución do decano/a? Poderá reclamar ante a Reitoría, nun prazo dun mes que se contará dende a notificación da resolución.
33. Que dereitos ten o estudantado dos
másteres respecto da reclamación das
avaliacións?
Ten tamén dereito de revisión e de reclamación contra a avaliación outorgada polo profesorado, que se concretará ante a comisión académica no prazo de 10 días hábiles dende a revisión. As funcións que nos apartados anteriores correspondía ao decano/a corresponden nos másteres aos coordinadores/as. Contra as súas resolucións caben tamén recursos ante a Reitoría. 34. Que alumnado ten dereito ao apoio titorial extraordinario? O estudantado con materias pendentes que non superen os 18 créditos, e teñan esgotadas cando menos 2 convocatorias en cada unha delas. No caso de plans de estudos vellos non adaptados a créditos, o número máximo de materias pendentes será de tres.
Tamén poderá solicitar este apoio titorial
extraordinario o estudantado que teña
pendente só unha materia, aínda que non teña
esgotada ningunha convocatoria.
35. Pode acollerse ao apoio titorial
extraordinario o estudantado matriculado en
materias sen docencia?
Estas persoas tamén teñen dereito ao apoio titorial extraordinario desas materias. 36. Nos estudos en proceso de extinción, que profesorado é o encargado de avaliar os exames das materias sen docencia? Os exames das materias sen docencia serán avaliados polo profesorado que levou a cabo a docencia no curso anterior ou quen determine o departamento. 37. Que criterios de avaliación e que programa rexen nas probas das materias sen docencia? Os criterios de avaliación serán os determinados no último curso con docencia e o programa será o que se desenvolveu nese curso. 38. Nas titulacións en extinción, cando as materias estean extinguidas procede sempre a transformación aos estudos de grao? Sempre que exista equivalencia entre as materias, nos supostos de adaptación obrigatoria por estar as materias extinguidas, poderá autorizarse que o estudante realice ata un máximo de tres materias ou 18 créditos nos estudos de grao, que despois serán imputadas ao plans en extinción recoñecéndolles a cualificación outorgada. 39. Que consecuencias ten para o estudantado a realización fraudulenta de exercicios ou probas? Neste caso a cualificación será a de suspenso na convocatoria correspondente, con independencia do proceso disciplinario que se poida seguir contra a persoa. 40. Que tipo de traballos teñen a consideración de fraudulentos? Considérase fraudulenta a realización de traballos plaxiados ou obtidos de fontes accesibles ao público sen reelaboración ou reinterpretación, ou sen citas de autoría ou fontes.
RESPOSTAS A PREGUNTAS FRECUENTES
SOBRE A NORMATIVA QUE REGULA UNHA
OPORTUNIDADE DE RECUPERACIÓN PARA OS PLANS
DE ESTUDO EN PROCESO DE EXTINCIÓN
1.Cantas convocatorias ten o estudantado
dos plans de estudos en proceso de extinción
matriculado en materias sen docencia?
Este estudantado dispón de catro convocatorias con seis oportunidades de exame a partir da extinción da docencia da materia. 2. As catro convocatorias das materias sen docencia nos plans de estudos en proceso de extinción compútanse a maiores das convocatorias consumidas con anterioridade? O estudantado, cando se extinga a docencia, dispón de catro convocatorias con seis oportunidades de exame, sempre que non esgotasen o máximo número de convocatorias. 3. Poderá acollerse a esta regulación o alumnado que teña todas as convocatorias consumidas durante o período de docencia da materia? Cando o estudante consumise todas as convocatorias de exame durante o período de docencia da materia, non poderá acollerse a esta regulación. 4. Cantas oportunidades de exame xeran as convocatorias ordinarias de febreiro, xuño, xullo ou setembro? As convocatorias de febreiro e xuño xeran unha soa oportunidade de exame; a convocatoria de xullo -para as titulacións co calendario adaptado ao EEES- ou a convocatoria de setembro -para as non adaptadas- xeran dúas oportunidades de exame, considerándose a segunda como unha oportunidade de recuperación. 5. Que estudantado pode presentarse á oportunidade de recuperación? Pode presentarse a esta oportunidade o estudantado suspenso na convocatoria de setembro, ou de xullo para as titulación con calendario adaptado ao EEES, en materias sen docencia das titulacións en proceso de extinción.
Excepcionalmente para o curso 2010-11 tamén
poderá acudir a esta oportunidade de
recuperación o estudantado que non se
presentou nas oportunidades de xullo ou
setembro.
6. Cando terá lugar a oportunidade de recuperación das convocatorias de xullo ou setembro? A oportunidade de recuperación celebrarase nas datas fixadas polo centro coa suficiente publicidade, procurando que non coincida coas datas das convocatorias ordinarias, non podendo realizarse mais alá do mes de decembro. 7. Como se imputa a cualificación da oportunidade de recuperación? A cualificación da oportunidade de recuperación imputarase á última convocatoria consumida. 8. Que profesorado avaliará o estudantado que se presente nesta oportunidade de recuperación? O profesorado será o mesmo que realizou a avaliación na última oportunidade ou convocatoria, aínda que en casos excepcionais o departamento poderá nomear outro profesorado previa comunicación á Secretaría Xeral. 9. Que criterios rexen a avaliación desta oportunidade de recuperación? Os criterios de avaliación serán os mesmos que rexían no último curso con docencia. 10. Que ocorre se unha vez realizada a última oportunidade de recuperación a persoa non supera a materia? Neste caso a persoa deberá proceder á adaptación obrigatoria ao grao, agás que estea na situación de cursar tres materias ou 18 créditos conforme aos estudos de grao para que despois se imputen á licenciatura, tal e como prevé o art. 13 da Normativa de avaliación do rendemento académico do estudantado e de revisión de cualificacións. 11.Que ocorre unha vez realizada a oportunidade de recuperación? Neste caso o estudantado poderá modificar a súa matrícula conforme lle interese, incluso realizando a adaptación ao grao ou eliminando a adaptación ao grao, de tela feita.
RESPOSTAS A OUTRAS PREGUNTAS ¿Pode haber diferencia na avaliación de dous grupos dunha mesma
materia? O meu exame extraviouse ¿teño dereito a un aprobado? ¿Pode o profesor negarme o acceso ao exame ou a revisión da cualificación por non terlle entregado a ficha? Non. Os alumnos matriculados teñen dereito a seren avaliados no seu rendemento académico, así como á revisión das cualificacións outorgadas. Este dereito a ser avaliados unicamente pode ser exceptuado por razóns xustificadas, tales como que o alumno non se presente ao exame ou que concorra algunha causa prevista nas normas como a recollida respecto á convocatoria de setembro se a programación docente da materia determina a obriga de realizar certas actividades prácticas de laboratorio, entrega de traballos, etc, que só poden ser desenvolvidas durante o período de clase, e a Comisión de Docencia do Centro establece neste caso a imposibilidade de presentación destes alumnos a dita convocatoria. O feito de non entregar unha ficha de clase non é unha excepción que estea recollida en ningunha norma, polo que é incorrecto pretender que os alumnos que non a entreguen dentro dun prazo establecido poidan decaer nos seus dereitos a seren avaliados ou a revisión de cualificacións. Esta exclusión non é conforme ás normas nin sequera facéndoa pública na programación da materia. Nin o profesor nin o departamento poden condicionar ao requisito de entregar unha ficha, o dereito do alumno a ser cualificado ou á revisión da súa cualificación. ¿Teño dereito a obter o título por compensación se me resta unha ou dúas materias para rematar os estudos? Non. Na USC non está contemplado o aprobado por compensación para a finalización de estudos. Os alumnos que reúnan os seguintes requisitos poderán solicitar o apoio titorial extraordinario |
| Reitoría da USC Colexio de San Xerome Praza do Obradoiro, s/n 15782 Santiago de Compostela Teléfono: +34 981 56 31 00 |
|
Vicerreitoría de Coordinación do Campus de Lugo Praza Pío XII, 3 27001 Lugo Teléfono: +34 982 28 59 00 |
