|
|
Bases dos VIII Premios á calidade lingüística e dos VI Premios á excelencia lingüísticaCurso 2011-2012
Destinatarios1. O concurso está dirixido ao alumnado dos graos ou das titulacións de 1º ou 2º ciclo impartidas en:
centros cuxas comisións de normalización lingüística convocan esta nova edición. Traballos a concurso2. O alumnado poderá presentar ao concurso un só traballo do curso 2011-2012, baixo algunha das dúas modalidades seguintes:
Presentación3 Os concursantes presentarán nun sobre pechado:
4. Este sobre coa documentación irá dirixido ao presidente ou presidenta da comisión de normalización do centro, e nel figurará “Premios á calidade e á excelencia lingüística dos traballos académicos 2011-2012", con indicación da modalidade do concurso a que se presenta (a: traballos académicos; b: traballos de fin de grao ou proxectos de fin de carreira), así como o nome do centro, e entregarase na secretaría ou dirección do centro. Recepción dos traballos5. As comisións de normalización encargaranse da custodia dos traballos, unha vez chegados ás direccións dos centros, así como dos labores de comprobación que poidan cumprir. 6. A data límite de recepción dos traballos é o día 23 de setembro de 2012. Premios e recoñecementos
7. Outorgaranse por centro dous premios á calidade lingüística para os dous mellores traballos académicos presentados, a xuízo dos respectivos xurados conforme os criterios que se expoñen máis abaixo: 8. Outorgarase un único premio á excelencia lingüística dos traballos académicos de curso, dotado con 150 euros e diploma acreditativo, ao mellor traballo daqueles que previamente gañaran os primeiros premios en cadanseu centro.
9. Outorgarase un premio á calidade lingüística de 300 euros e diploma acreditativo por cada titulación dos centros convocantes ao mellor traballo de fin de grao ou proxecto presentado, a xuízo dos respectivos xurados conforme os criterios que se expoñen máis abaixo. 10. Outorgarase un único premio á excelencia lingüística dos traballos de fin de grao ou proxecto de fin de carreira, dotado con 300 euros e diploma acreditativo, ao mellor traballo daqueles que previamente gañaran os primeiros premios en cadanseu centro. 11. No caso de que os xurados consideren que ningún dos traballos presentados acada un nivel axeitado poderanse declarar os premios desertos. Tamén existe a posibilidade de outorgar os premios a varios traballos ex aequo; neste caso o importe repartirase a partes iguais. 12. Ao persoal docente que fomente e facilite a participación do seu alumnado neste concurso outorgaráselle unha constancia da súa implicación con esta actividade de fomento do galego na docencia universitaria. Ademais, os profesores e profesoras cuxos alumnos resulten premiados nalgunha das modalidades recibirán un pequeno agasallo. Xurados13. Os membros do xurado dos premios á calidade lingüística en cada centro serán:
14. Os membros do xurado dos premios á excelencia lingüística serán:
14. A decisión dos xurados é inapelable. Procedemento de avaliación15. Valoraranse a corrección lingüística, o emprego acaído da linguaxe de especialidade, a calidade na redacción, a estruturación e presentación da información, e mais o deseño. 16. O anuncio dos veredictos farase público no mes de novembro de 2012. 17. A organización do acto de entrega dos premios á calidade lingüística correrá ao cargo da comisión de normalización lingüística correspondente. 18. A participación no concurso implica necesariamente o acatamento do que se expón nestas bases.
|
||
| Reitoría da USC Colexio de San Xerome Praza do Obradoiro, s/n 15782 Santiago de Compostela Teléfono: +34 981 56 31 00 |
|
Vicerreitoría de Coordinación do Campus de Lugo Praza Pío XII, 3 27001 Lugo Teléfono: +34 982 28 59 00 |
