Xornadas "Educación e linguas en Galicia"

As Comisións de Normalización Lingüística da Facultade de Ciencias da Educación e da Escola de Formación de Profesorado, así como o Servizo de Normalización Lingüística, organizan as Xornadas "Linguas e educación en Galicia" para os días 27 e 28 de novembro de 2009, cos seguintes obxectivos:

• Reflexionar sobre a situación social e escolar das linguas en Galicia, e sobre as súas perspectivas de futuro.
• Analizar e debater sobre o modelo lingüístico máis acaído para o ensino non universitario en Galicia.
• Estimular a toma de decisións nos centros responsables da formación do profesorado para que os futuros docentes estean en condicións de atender satisfactoriamente as demandas da educación lingüística escolar.

Os destinatarios principais destas xornadas son o PDI e o alumnado das titulacións impartidas na Facultade de Ciencias da Educación, na EU de Formación do Profesorado e na Facultade de Filoloxía, así como profesorado do sistema educativo galego dos niveis non universitarios.

• Programa
• Matrícula e recoñecemento
• Folleto das Xornadas