1. Inicio
  2. INVESTIGACIÓN
  3. Áreas Temáticas

Áreas Temáticas

O equipo científico do CiQUS reúne a investigadores con perfís científicos distintos no ámbito da química e das ciencias moleculares. Esta diversidade de especialidades permite abordar retos perentorios en áreas como a saúde e a biomedicina e a sustentabilidade desde unha perspectiva inter- e multidisciplinar.

As distintas liñas de investigación que se desenvolven no centro estrutúranse ao redor de 3 áreas temáticas: Química Biolóxica e Médica, Materiais Funcionais de Interese Tecnolóxico e Tecnoloxías Sintéticas para o Desenvolvemento Sostible), e unha área transversal (Química Computacional e Ciencia de Datos).

 

Areas

A   Química Biolóxica e Médica

Este área de investigación, na fronteira entre a quimica supramolecular, a nanotecnología e a biomedicina, ten por obxectivo último descubrir novas ferramentas moleculares para a terapia e diagnosis de enfermidades prevalentes no século XXI, entre as que se atopan o cancro, o alzheimer ou as infeccións por bacterias multi-resistentes.

As liñas de traballo inclúen desde aspectos básicos, tales como o estudo das bases moleculares de distintos procesos biolóxicos ata aspectos máis aplicados, como son o descubrimento de novos fármacos e o desenvolvemento de estratexias para a súa administración. 

B   Materiais Funcionais de Interese Tecnolóxico

Este área agrupa as investigacións dirixidas ao descubrimento de novos materiais orgánicos, inorgánicos e metalo-orgánicos con propiedades singulares, así como a súa aplicación no desenvolvemento de dispositivos tecnolóxicos.

Trabállase especialmente en aplicacións na fronteira coa biología celular, e no descubrimento de novas tecnoloxías en electrónica molecular e energética.

C   Tecnoloxías Sintéticas para un Desenvolvemento Sustentable

O obxectivo xeral deste área de investigación consiste no deseño e desenvolvemento de novos e eficaces procesos catalíticos para a transformación de materias primas abundantes en produtos de alto valor engadido, dunha forma económica e respetuosa co medio ambiente.

D   Química Computacional e Ciencia de Datos

Esta área integra as capacidades da Química Teórica e Computacional, coa intelixencia artificial, a computación cuántica e a visualización molecular inmersiva con realidade virtual e aumentada.