A INTERRELACIÓN ENTRE OS MERCADOS
FINANCEIRO E INMOBILIARIO:
IMPLICACIÓNS PARA A ESTABILIDADE DA EUROZONA
José
Pablo Abeal Vázquez / José Manuel Sánchez Santos
Universidade da Coruña
Recibido:
9
de febreiro de 2012
Aceptado: 7
de maio de 2012
Resumo: A recente situación de inestabilidade financeira
e a súa transmisión á economía produtiva, ademais
de revelar o carácter bidireccional da relación entre variables
financeiras e reais, deixa importantes interrogantes sobre a capacidade que
ten o Banco Central Europeo (BCE) para instrumentar unha política monetaria
eficaz nunha área tan heteroxénea como a eurozona. Esta constatación
resulta de especial relevancia cando se trata de explicar a interrelación
entre os tipos de xuro de referencia da política monetaria, o comportamento
do crédito, a xeración de burbullas de prezos no mercado inmobiliario
e a evolución da actividade económica real. Nesta liña,
o obxectivo principal deste artigo é afondar na natureza da interrelación
entre os mercados financeiros e inmobiliarios, así como sobre os factores
que condicionan as posibilidades do BCE para contribuír á estabilidade
da eurozona mediante a instrumentación da política monetaria.
Para iso estímase un modelo VAR que permite obter evidencia acerca
da interrelación entre o prezo da vivenda, o tipo de xuro, o crédito,
a inflación e o PIB para unha mostra de cinco países que forman
parte da eurozona (España, Irlanda, Austria, Francia e Portugal).
Palabras clave: Mercado inmobiliario / Inestabilidade financeira
/ Unión monetaria / Política monetaria / Banco Central Europeo.