DESIGUALDADE E CRECEMENTO ECONÓMICO.
CÍRCULOS VICIOSOS OU VIRTUOSOS?

Ana Jesús López Menéndez* / Frank A. Cowell**
*Universidade de Oviedo / **London School of Economics and Political Science

Recibido: 14 de decembro de 2012
Aceptado: 14 de xuño de 2013

Resumo: As relacións entre desigualdade e crecemento económico foron obxecto dun amplo debate conceptual e empírico que se prolongou ao longo do tempo sen alcanzar un consenso. O efecto do crecemento sobre a desigualdade foi estudado por Kuznets (1955), cuxa hipótese postula que a desigualdade aumenta inicialmente co crecemento para posteriormente diminuír tras un punto de retorno. Este modelo de U invertido foi estendido por Anand e Kanbur (1993), e o seu contraste empírico conduce a conclusións dispares segundo a información, os indicadores e os métodos empregados. Con respecto ao impacto da desigualdade sobre o crecemento, os traballos de Lewis (1954) e Kaldor (1956) defenden a existencia de efectos positivos, mentres que os de Alesina e Rodrick (1994), Persson e Tabellini (1994) ou Deininger e Squire (1998) postulan relacións negativas. Dado que a diversidade de hipóteses e resultados empíricos impide obter conclusións sobre a existencia de círculos viciosos ou virtuosos entre desigualdade e crecemento, neste traballo proporcionamos nova evidencia incorporando á análise a renda nun dobre sentido: como criterio de clasificación de países e, desde unha óptica socioeconómica, distinguindo entre a desigualdade relativa a rendas baixas e altas.
Palabras clave: Crecemento / Desigualdade / Curva de Kuznets / Modelos de panel.