SOBRE A CONGRUENCIA DOS DATOS DE RENDA DAS ENQUISAS
DE CONDICIÓNS DE VIDA E OS DE CONTABILIDADE NACIONAL
Francisco Javier
Callealta Barroso / Cristina Romero Gallardo
Universidade de Alcalá de Henares
Recibido:
15
de novembro de 2012
Aceptado: 4
de abril de 2013
Resumo: É frecuente atopar na literatura socioeconómica
un uso intensivo das Enquisas de Condicións de Vida para estudar as
características das distribucións de renda dos fogares e das
persoas, e derivar indicadores sociais de interese como son, entre outros,
os de desigualdade e pobreza. Nesta contorna, e en primeiro lugar, este traballo
constata a existencia de notables diferenzas entre os agregados de rendas
das correspondentes distribucións persoais de rendas emanadas da realización
do ano 2010 desas enquisas e os que presenta a Contabilidade Rexional de España
para os fogares españois, cuantificando adicionalmente as súas
magnitudes. En segundo lugar, e tratando de comprender a influencia que esas
desviacións puideran ter sobre aqueles indicadores, analízanse
algunhas das características das distribucións persoais de rendas
en relación con certas singularidades dos seus perceptores e dos fogares
de residencia. Finalmente, e con base no observado, formúlase a posible
conveniencia de corrixir os datos orixinais coa finalidade de obter indicadores
que puideran reflectir máis fielmente a realidade. En consecuencia,
proponse un método –elemental pero flexible–, realízanse
unhas primeiras correccións e analízanse os seus resultados,
que parecen paliar en parte as deficiencias inicialmente detectadas.
Palabras clave: Enquisas de Condicións de Vida / Contabilidade
Rexional / Distribución de rendas / Ocultación / Infradeclaración.