O GI Esculca en colaboración co Concello de Xinzo de Limia organizará entre os días 23 e 25 de abril o seminario “Educación e participación na construción normativa das comunidades de acollida”. Esta actividade está destinada a persoas migrantes, persoal técnico e interesados/as en xeral. Terá unha duración de 20 horas e no marco da programación intervirán diferentes profesionais da USC e entidades que xestionan a diversidade cultural.