O GI ESCULCA organiza o XVII Seminario Nacional Atención Educativa ao Alumnado Inmigrante, que nesta edición centrarase na abordaxe dos plans e programas de acollida do alumnado de orixe estranxeiro e o seu impacto no desenvolvemento educativo. O Seminario celebrarase en formato presencial na Facultade de Ciencias da Educación (Edificio Sur, USC) os vindeiros 24 e 25 de outubro de 2025.
Ademais, tense solicitado a homologación á Consellería de Cultura, Educación, Formación Profesional e Universidades como actividade de formación permanente do profesorado (12 h). A certificación desta actividade de formación estará suxeita á asistencia a un mínimo do 80% das sesións.
Límite de prazas: 150 asistentes.