Esta iniciativa xurde no seo do GI ESCULCA e grazas ó financiamento do programa de axuda para contratos posdoutorais Juan de la Cierva-Formación. É unha iniciativa compartida coa Asociación Avoar que aborda a construción dunha comunidade que quere reunir os esforzos de centros educativos e proxectos de desenvolvemento rural sostible para traballar conxuntamente pola construción da sostibilidade e a formación do alumnado para esta.

Elabórase arredor da Aprendizaxe-Servizo como ferramenta principal, pola súa capacidade para tecer colaboracións e orientarse ós Obxectivos de Desenvolvemento Sostible (ODS).

Inspirada en experiencias anteriores como o Proxecto Europeo Rural 3.0 e o PEMAN (Programa de Estudos en Man Común) entre outros, pretende contribuír á democratización dos procesos de creación de coñecemento, á calidade educativa e á sostibilidade. 

Esta comunidade ten como ámbito territorial a Eurorrexión Galicia-Norte de Portugal. Nos próximos meses, diferentes axentes educativos e asociativos conformarán a comunidade, no seo da cal se han de crear proxectos de Aprendizaxe-Servizo que permitan a creación de saberes e de accións como bens comúns. 

Máis información en d.garcía.romero@usc.es e avoar@inventati.org