O GI ESCULCA organizou a terceira xornada de encontro da Comunidade de Accións e Saberes Arredor do Rural (www.arredordorural.org), un evento para o encontro entre colectivos rurais, estudantes e profesorado que teñen interese nas actividades de Aprendizaxe-Servizo vinculadas ao medio rural, como forma de integrar o impulso da acción rural e a aprendizaxe e proxectos de futuro no rural. Esta actividade celebrouse o pasado 15 de xuño de 2022 no Centro de Estudos Avanzados (CEA), no parque de Vista Alegre (Santiago de Compostela).
Neste terceiro encontro perseguimos os seguintes obxectivos:
-A posta en común dos avances feitos no marco da comunidade.
-A difusión e promoción entre o estudantado dos proxectos da comunidade e da labor e os saberes dos colectivos que a conforman.
-A ampliación a outras formas para vincular coñecemento e acción rural no futuro da comunidade.
Este encontro tivo carácter formativo sustentado nas aprendizaxes mutuas e multidireccionais entre diferentes tipos de axentes.
