Os días 7 e 8 de xullo, membros de GI Esculca participaron, na Universidade de Florencia (Italia), no primeiro evento multiplicador do proxecto Aprendizaxe-Servizo en incendios forestais (Service-learning to improve training and employability in wildfire management FacingFIRE), do programa Erasmus+ Strategic Partnership, que ten como obxectivo reforzar as capacidades de formación do persoal docente e dos distintos axentes sociais na temática dos incendios forestais. O proxecto, dirixido polo profesor Agustín Merino, baséase na aplicación da Aprendizaxe-Servizo como principal estratexia educativa para formar mellores profesionais. O proxecto céntrase nos catro países europeos con maior incidencia de incendios forestais: España, Portugal, Italia e Grecia.