O vindeiro 28 de abril celebrarase no Pazo de Fonseca da Universidade de Santiago de Compostela a Xornada “Educación, Artesanía e Inclusión: Novos Desafíos Para Vellas Demandas”. Esta formación é o culme do proxecto de Aprendizaxe-Servizo “Hermes” coordinado pola profesora do GI Esculca Iris Estévez Blanco. Asemade, preténdese a posta en valor da actividade profesional e social de diferentes entidades do ámbito da discapacidade e a promoción e difusión dun novo modelo de inserción laboral das persoas con diversidade funcional xunto coa Fundación de Artesanía de Galicia (Xunta de Galicia). Dúas entidades do sector que realizan pezas de artesanía co selo de Artesanía de Galicia exporán tamén os seus produtos na xornada.
Asistirán, ademais, entidades do sector coas que a USC ten proxectos con persoas voluntarias en marcha, e dende a Fundación de Artesanía invitarán a artesáns galegos, a fin de que se xere un espazo de aprendizaxe e intercambio de información entre os diferentes axentes involucrados.
A inscripción será gratuita na seguinte ligazón