O pasado 20 de novembro, o graduado en Pedagoxía e investigador predoutoral Nicolás Avendaño Carballo acadou un contrato de investigador colaborador no marco do proxecto “Aprendizaxe-servizo e cooperación para o desenvolmento. Formando para a cidadanía global – COOPERACIÓN PARA O DESENVOLVEMENTO 2023” no seo GI Esculca.

As súas funcións como investigador consistirán no deseño, planificación e coordinación de axentes implicados e participación no deseño de proxectos de aprendizaxe-servizo e educación para o desenvolvemento en chave internacional.

Asemade, a súa tese de doutoramento “O desenvolvemento de competencias dixitais nos/as estudantes de Formación Profesional e o impacto na súa empregabilidade. Un estudo centrado na Comunidade Autónoma de Galicia” dirixida pola profesora María del Mar Lorenzo Moledo e o profesor Jesús García Álvarez, analizará a actual relación entre dixitalización do emprego, a formación profesional en competencias dixitais e a empregabilidade dos/as egresados/as deste nivel educativo.