O investigador do GI Esculca, David García Romero, participará no festival etnográfico Son d’Aldea XIII, no faladoiro do 6 de setembro.
Neste foro público compartiranse e discutiranse os resultados da investigación “Máis aló do atrincheiramento rural/urbano”, elaborada en conxunto con Daniel Baliñas Pérez e Sara Rodríguez Garrido, que versa sobre a diversidade sociopolítica no medio rural e a necesidade de complexizar a mirada sobre os axentes sociais e educativos que actúan neste.