O contrato “Asistencia técnica para a análise, elaboración e aplicación de novos criterios a considerar no baremo de subvencións de concorrencia en materia deportiva” ten como obxecto elaborar unha proposta de criterios a considerar no baremo de subvencións de concorrencia en materia deportiva do Concello de Santiago, tanto  para aquelas destinadas a entidades como para deportistas individuais.
Partirase dunha análise de diferentes convocatorias doutras administracións públicas a nivel autonómico, provincial e local; elaborarase un esquema detallado comparando os criterios empregados en cada convocatoria, agrupando estes polas súas similitudes; crearase unha listaxe ordenada e xustificada de criterios axustados aos obxectivos definidos polo Concello, así como ao contexto e á realidade do deporte federado compostelá; e finalmente, farase unha proposta de baremo para o exercicio 2025.