O proxecto de ApS EXCORAS (Expresión Corporal e Aprendizaxe-Servizo), no que participa o profesor do GI ESCULCA Geno Rodríguez, implica ao alumnado do terceiro curso do grao en Mestra/e en Educación Infantil da USC.
Un total de 45 mozos e mozas que cursan a materia ‘Didáctica da Expresión e Comunicación Corporal’ neste semestre e que xa cursaron a de ‘Motricidade Infantil‘ no primeiro, impulsan a iniciativa ‘As aventuras de Luli’, serie de catorce vídeos que con periodicidade semanal irán subindo aos perfiles do proxecto en Instagram, Facebook e YouTube.