O profesor Javier Rico Díaz, membro do GI Esculca, realizou unha entrevista para o Xornal da USC para conversar sobre a iniciativa ‘Oficios en miúdo’ que se desenvolve a través da metodoloxía aprendizaxe-servizo. A finalidade desta actividade consiste en potenciar o desenvolvemento da expresión corporal e a comunicación, así como a motricidade de nenos e nenas de 0 a 6 anos, a través do coñecemento dos oficios tradicionais galegos. Esta iniciativa enmárcase dentro do programa Expresión Corporal e Aprendizaxe-Servizo (ApS), tamén coñecido como ‘EXCORAS’.