O GI ESCULCA vén de acadar un proxecto europeo na convocatoria Erasmus+ (Acción Clave 2: Cooperación entre organizacións e institucións de Educación Superior).
O eixo do proxecto ten que ver coa “Mobilización de recursos universidade-comunidade a través do ApS(M) para a inclusión de persoas migrantes/refuxiadas” (2022-1-ES01-KA220-HED-000087650).
Baixo a coordinación do Profesor Miguel A. Santos Rego, conta coa implicación tanto de universidades europeas, University of Galway (Irlanda) e Università degli studi di Verona (Italia), como de entidades sociais, ACCEM (España) e Cooperativa sociale Glocal Factory (Italia).