O profesor do GI ESCULCA Ígor Mella Núñez participou o pasado 15 de decembro no acto institucional da festividade da Facultade de Óptica e Optometría. No acto, que se organizou baixo o lema “Formando e axudando”, analizáronse os diferentes proxectos de aprendizaxe-servizo que se están a desenvolver na Facultade.
A sesión, que foi presidida polo Reitor da USC, Antonio López, tamén contou coa participación da Decana da Facultade, María Jesús Giráldez, o presidente da delegación en Galicia do Colexio Nacional de Ópticos-Optometristas,Eduardo Eiroa, e representantes das diferentes asociacións e entidades que colaboraron nos proxectos de ApS.