No marco do 25 aniversario do Servicio de Participación e Integración Universitaria da USC, celebrarase a II Xornada de encontro da Comunidade de Accións e Saberes Arredor do Rural. Esta comunidade transfronteiriza liderada polo GI-ESCULCA agrupa diferentes colectivos de acción rural, estudantes e PDI para traballar na integración das universdidades e o seu medio rural. No vindeiro encontro, perséguense os obxectivos de:
- Favorecer o deseño de proxectos de aprendizaxe-servizo no ámbito do rural.
- Inserir de forma directa a participación das entidades do terceiro sector no deseño e desenvolvemento de proxectos de aprendizaxe-servizo.
- Dialogar entre todos os axentes participantes sobre as posibilidades da aprendizaxe-servizo como ferramenta de mellora dos proxectos de acción no medio rural.
- Promover o desenvolvemento de proxectos de aprendizaxe-servizo interdisciplinares e intercampus, apostando institucionalización de proxectos de aprendizaxe-servizo.
A participación do estudantado nesta actividade recoñécese con un crédito ECTS.