Diferentes integrantes do GI Esculca participarán no “VIII Congreso Xurídico Internacional sobre os dereitos das persoas con discapacidade/dependencia” organizado pola Asociación IN.XURGA que terá lugar os días 26, 27 e 28 de febreiro en Vilagarcía de Arousa.
A profesora Patricia Alonso Ruido realizará unha ponencia co título “Violencias e abusos sexuais a menores nas marxes da normatividade” e as profesoras Iris Estévez Blanco e Bibiana Regueiro Fernández presentarán a comunicación “Incluindo e e comprendendo a diversidade: deseño dunha proposta de intervención para unha alumna con discapacidade intetelectual” de autoría compartida con María Rodríguez Doval. De igual xeito, a profesora Paula Outón Oviedo e o investigador predoutoral Serxio Estévez Souto presentarán a comunicación “Avaliación psicopedagóxica dun caso de dislexia grave: estudo de caso único”.