O profesor do GI ESCULCA, Javier Rico xunto con profesorado de Educación Física e outros profesionais do ámbito da actividade física e o deporte, ven de publicar un capítulo titulado “MOVÁMONOS” no libro “La Educación Física en Educación Secundaria, Bachillerato y Formación Profesional: Recursos, Experiencias y Prácticas Innovadoras”, da Editorial Dykinson.

Este capítulo presenta un proxecto de vida activa e deportiva (PVAD) desenvolvido no IES Monte Carrasco (Cangas, Galicia), no marco do Plan Proxecta da Consellería de Educación, Ciencia, Universidades e Formación Profesional. Neste documento abórdanse distintas estratexias para que o alumnado poida incorporar e consolidar a actividade física no seu día a día, tanto no centro educativo como fóra deste. 

Esta publicación pode descargarse de xeito gratuíto nesta ligazón.