Recentemente, foi publicado o “Curso de formación básica sobre migración e refuxio e Aprendizaxe-Servizo na Universidade”. O obxectivo do MOOC SL(M) é formar ao profesorado universitario no uso desta metodoloxía para abordar co seu alumnado as necesidades das persoas migrantes e refuxiadas e contribuír á súa inclusión. Tamén poden participar estudantes, técnicos de organizacións sociais e persoal administrativo para formarse nesta realidade e aprender a metodoloxía.

O MOOC está dispoñible online desde o 8 de setembro de 2025 ata o 12 de xullo de 2026 a través do Catálogo de Cursos e Formación de EUniWell. Ademais, pode consultarse no Repositorio de Contidos da USC.