O profesor do GI ESCULCA, Javier Rico xunto con outros investigadores/as da Universidade de Santiago de Compostela, da Universidade de Vigo e da Universidade de Tecnoloxía de Sídney veñen de publicar o artigo “Assessing the quality of chest compressions with a DIY low-cost manikin (LoCoMan) versus a standard manikin: a quasi-experimental study in primary education” na revista European Journal of Pediatrics, indexada en JCR.

Este estudo ten como obxectivo avaliar a aprendizaxe da RCP mediante a práctica cun manequín de baixo custe (LoCoMan), con retroalimentación visual cualitativa e comparar os resultados coas habilidades adquiridas mediante a práctica nun manequín convencional.