Os membros do GI ESCULCA, David García Romero e Jesús García Álvarez, xunto con Aurelio Prado Rodríguez (Sociedade Cooperativa Amarelante), veñen de publicar o artigo titulado “Análisis del currículum oculto sobre el medio rural en libros de texto. Estudio mediante aprendizaje-servicio en Educación Social” na revista Foro de Educación.
O obxectivo do estudo é identificar exemplos da imaxe coa que se representa o medio rural e urbano nos libros de texto de Educación Primaria do contexto galego e elaborar unha análise crítica sobre a relación do imaxinario construído e outros fenómenos sociais vinculados ao medio rural, como o éxodo rural e a configuración do seu sistema produtivo.