O profesor do GI ESCULCA, Geno Rodríguez, vén de publicar un artigo na Revista Retos, titulado “Intervenciones basadas en métodos de relajación en el contexto escolar desde la perspectiva de la promoción de la salud y el bienestar: una revisión sistemática”, en colaboración con investigadores portugueses da Universidade do Minho (Braga, Portugal).
O obxectivo do estudo foi identificar e caracterizar as intervencións baseadas en métodos de relaxación que se realizan actualmente no contexto escolar, con alumnado de preescolar e no primeiro ciclo de escolaridade en centros de ensino portugueses, dende unha perspectiva da promoción da saúde e o benestar. Os resultados desta revisión sistemática mostran que o concepto de relaxación pode ser empregado dende diferentes perspectivas e como metodoloxía que promove a reducción de síntomas manifestos de ansiedade en nenos e nenas, a mellora das súas funcións autónomas, a súa iniciativa e autonomía, as interaccións cos demais, o desenvolvemento socio-emocional e a memoria a curto prazo.