O GI Esculca organiza o “V seminario de Aprendizaxe-servizo no ensino non universitario. O valor da experiencia”, que se desenvolverá os días 23, 24 e 25 de Outubro na Facultade de Ciencias da Educación da Universidade de Santiago de Compostela.
A actividade ten solicitada a homologación como actividade de formación permanente do profesorado pola Consellería de Educación, Universidade e Formación do Profesorado.
Este encontro sitúase como un foro para compartir coñecementos e experiencias desde a horizontalidade, de tal xeito que esta metodoloxía experiencial poda consolidarse no sistema educativo de Galicia.
