Os nomes das teclas

Usamolas de seguido, algúns e algunhas case tanto como o aire que respiran... Porén non sabemos os seus nomes... Os teclados con que traballamos nos ordenadores están rotulados en inglés ou en castelán.

Velaquí unha proposta de localización dos nomes das teclas ao galego. Aínda así, se pensamos que iso pode dificultar a comprensión dos usuarios podemos engadir entre parénteses a denominación inglesa abreviada.

Para traducir Press the CAPS LOCK key úsese Prema a tecla de bloqueo de maiúsculas (Caps Lock)ou Prema a tecla Bloq Maiús (Caps Lock).

• alt key; alternate key > tecla de alternancia; tecla Alt
• alt graphic key > tecla de alternancia gráfica; tecla Alt Gr
• backspace key > tecla de retroceso
• caps lock key; shift lock key > tecla de bloqueo de maiúsculas; tecla Bloq Maiús
• control key > tecla de control, tecla Ctrl
• delete key; erase key > tecla de supresión; tecla Supr
• end key > tecla de fin; tecla Fin
• carriage return key; enter key; intro key; return key > tecla de retorno; tecla Retorno
• escape key > tecla de escapada; tecla Esc
• home key > tecla de inicio; tecla Inicio
• insert key > tecla de inserción; tecla Ins
• numeric keyboard lock key;  numeric lock key > tecla de bloqueo do teclado numérico; tecla Bloq Num
• page down key > tecla de avance de páxina; tecla Av Páx
• page up key > tecla de retroceso de páxina; tecla Re Páx
• break key; pause break; pause break key > tecla de pausa/interrupción; tecla Pausa/Inter
• print screen key > tecla de impresión de pantalla; tecla Impr Pant
• scroll lock key > tecla de bloqueo de desprazamento; tecla Bloq Despr
• shift key > tecla de maiúsculas; tecla Maiús
• tabulator key > tecla de tabulación; tabulador; tecla Tab
• Down Arrow > frecha a abaixo
• Up Arrow > frecha a arriba
• Right Arrow > frecha á dereita
• Left Arrow > frecha á esquerda
• Arrow key > frecha; tecla de frecha
• asterisk key > asterisco; tecla do asterisco
• character key > tecla de carácter
• forward slash key; slash key > tecla de barra
• backslash key > tecla de barra invertida
• function key > tecla de función
• minus key > tecla do menos; tecla –
• plus key > tecla do máis; tecla +
• Windows key > tecla do Windows

Estas teclas empréganse con moita frecuencia en combinación con outras. Estas combinacións poden premerse de dúas formas:

1 Simultaneamente

Para representar que dúas teclas se premen asemade, escribiremos o signo + entre elas (Ctrl+G)

2 Unha despois da outra

Para representar que dúas ou máis teclas se deben premer unha despois da outra, empregaremos unha coma (,) (Alt+Ctrl+4,O).